Kamenskoe plato, Kólsaı, Muztaý, sondaı-aq Iýbıleınyı shaǵyn aýdandarynyń turǵyndaryn turaqty sýmen qamtamasyz etý úshin tótenshe jaǵdaı jelisi boıynsha 2 jańa sý kózi (4 skvajına) jáne sý jınaqtaǵyshtardyń qurylysy júrip jatyr, dep habarlaıdy almaty-akshamy.kz.
Bul týraly Almaty qalasynyń ákimi Erbolat Dosaev Medeý aýdany turǵyndarymen kezdesýinde aıtty.
Qurylys-montajdaý jumystaryn osy jyldyń jeltoqsan aıynyń sońyna deıin aıaqtaý josparlanǵan.
Bıylǵy jyldyń sáýir aıynda jalpy uzyndyǵy 46 shaqyrym sý qubyry jáne káriz jelileriniń qurylysy bastaldy. «Kólsaı» (2,8), «Keńsaı» (14,4) shaǵyn aýdandaryndaǵy jáne Halıýllın kóshesindegi (3,8) jumystardy aıaqtaý osy jyldyń qarasha aıyna josparlanǵan.
«Kompot» shaǵyn aýdanynda (25) jumystardy shilde aıynda bastadyq, Nurmaǵambetov, R. Baǵlanova, Ormanov kóshelerindegi jáne T. Bıgeldınov kóshesiniń bir bóligindegi jumystar bıyl aıaqtalady. Qalǵan kósheler boıynsha jumystar 2024 jyldyń shildesinde aıaqtalady.