Áleýmettik ınfraqurylymdy damytý aýdannyń ózekti máselesi bolyp otyr.
Bıyl tamyz aıynda №48 mekteptiń 250 oryndyq qosymsha qurylysy jóndeldi, № 131 mektepti seısmıkalyq kúsheıtý, kúrdeli jóndeý jumystary aıaqtaldy, dep habarlaıdy Almaty-akshamy.kz
Sondaı-aq 7 jobany, ıaǵnı qosymsha qurylystar salýǵa 4 jobalaý-smetalyq qujattama jáne seısmıkalyq kúsheıtýmen kúrdeli jóndeýge 3 jobalaý-smetalyq qujattamany iske asyrý jumystary júrgizilýde.
Tamyz aıynda №35 (300) jáne №99 (250) mektepterdiń qosymsha qurylystary boıynsha 2 jobalaý-smetalyq qujattamanyń saraptama qorytyndysy alyndy. Qurylys-montajdaý jumystary 2024 jyldyń 2-shi toqsanynda bastalady.
Jeltoqsan aıynda №131 (300) jáne №168 (300) mektepterdiń bastaýysh synyptarǵa arnalǵan qosymsha qurylystary boıynsha 2 jobalaý-smetalyq qujattamanyń saraptama qorytyndysyn alamyz.
№33, 161 jáne 17 mektepterdi seısmıkalyq kúsheıtip, rekonstrýksıalaýǵa jobalaý-smetalyq qujattama ázirlenýde. №33 mektep boıynsha saraptama alyndy (21.08.2023j.). Qurylys-montajdaý jumystary
2024 jyldyń 1-shi toqsanynda bastalady. №161 jáne №17 mektepter boıynsha memlekettik saraptamany qańtarda alýdy jáne qurylys-montajdaý jumystaryn 2024 jyldyń 2-shi toqsanynda bastaýdy josparlap otyrmyz.
Sondaı-aq Bógenbaı batyr kóshesi, 42 mekenjaıy boıynsha №29 mektepke 300 oryndyq qosymsha qurylys salý úshin jer ýchaskesin satyp alý prosedýralary júrgizilýde (satyp alýdy aıaqtaý merzimi shamamen osy jyldyń sońyna deıin).
Anyqtama úshin: 23.06.2023 jyly jer ýchaskesin májbúrlep ıelikten shyǵarý týraly №2/220-374 qaýly qabyldandy, alyp qoıýǵa jatatyn 4 jer ýchaskesi bar (6 menshik ıesi, jalpy aýdany - 0,4468 ga, boljamdy quny - 670 mln. tg.). Búgingi kúni jer ýchaskesin baǵalaý prosedýralary júrgizilýde.
«Jaıly mektep» ulttyq jobasy aıasynda Qulja kúre jolynyń ońtústiginde 2 myń oryndyq jańa mektep salynady. Sondaı-aq jeke ınvestorlardyń qarajaty esebinen («MG City» JSHS, «Saba Group» JSHS) «Dýman» shaǵyn aýdanynda (1200 oryn) jáne Halıýllın kóshesi, 140 (300 oryn) mekenjaıynda 1500 oryndyq 2 mektep salý josparlanǵan. 3 jobany iske asyrý merzimi – 2024 jyl.