Senator Amangeldi Nuǵmanov elimizdiń batys óńirindegi avtomobıl joldarynyń sapasyn synǵa alyp, olardy jóndeýge 20 mıllıard teńge bólýdi ótindi, dep habarlaıdy Almaty-akshamy.kz Tengrinews.kz-ke silteme jasap.
Ol Smaıylovqa joldaǵan saýalynda batys óńirlerdegi joldardyń sapasyna qatysty máseleler týraly baıandady.
«Jergilikti mańyzy bar avtomobıl joldarynyń normatıvti jaǵdaıyn 2025 jylǵa deıin 95 paıyzǵa jetkizý úshin Aqtóbe oblysyndaǵy 1,5 myń shaqyrymdy jóndeý qajet, bul jyl saıyn 25,6 mıllıard teńge bolady. Bul respýblıkalyq búdjetten qosymsha 13,5 mıllıard teńge transfertti qajet etedi. Atyraý oblysynda 43,5 shaqyrym joldardy qaıta qurý jáne jóndeý úshin qosymsha 8,8 mıllıard teńge qajet», - dedi ol.
Sonymen qatar, Nuǵmanov Batys Qazaqstan oblysyndaǵy temirjol vagondarynyń jetispeýshiligine jáne qurylys materıaldaryn ýaqtyly jetkizilmegenin jáne buryn bólingen aqsha durys paıdalanylmaǵanyn atap ótti. Senator respýblıkalyq búdjetten jol jóndeý jumystaryn qarjylandyrýǵa, "Qazaqstan temir joly" júk vagondaryn qurylys materıaldaryn jetkizý úshin ýaqtyly qamtamasyz etýge shaqyrdy.