1 shildeden bastap.
Atap aıtsaq, 2023 jylǵy 1 shildeden bastap "jedel járdem" júrgizýshileri jumystarynyń keńeıtilgen sıpattamasyn eskere otyryp, olarǵa erekshe eńbek jaǵdaılary úshin BLA-dan 200% (35 394 teńge) mólsherinde jańa qosymsha aqy belgileý usynylyp otyr, dep habarlaıdy Almaty-akshamy.kz
Densaýlyq saqtaý mınıstrligi azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesine tolyqtyrý ázirledi.
Densaýlyq saqtaý mınıstrliginiń málimetinshe, qazirgi ýaqytta jedel medısınalyq járdem júrgizýshileriniń arasynda jalaqynyń tómendigi bóliginde rezonans baıqalady, bul ereýilderge alyp kelýde (Jańaózen qalasynda, Mańǵystaý, Aqtóbe oblystarynda).
Óz kezeginde Densaýlyq saqtaý mınıstrligi erekshe eńbek jaǵdaılary úshin BLA-dan 200% mólsherinde jańa qosymsha aqy belgileýdi usyndy.
Mindetti túrde alǵashqy kómek kýrstarynan ótýge jatatyn medısınalyq bilimi joq adamdardyń kontıngentine medısınalyq bilimi joq densaýlyq saqtaý uıymdarynyń qyzmetkerleri, onyń ishinde jedel járdem júrgizýshileri de kiredi.
Densaýlyq saqtaý mınıstrligi 2023-2025 jyldarǵa arnalǵan qarajatqa qosymsha qajettilik 11 096 júrgizýshige 13 369 mıllıon teńge ekenin eseptedi:
2023 jyl (1 shildeden bastap) – barlyǵy 2 602,6 mln teńge: DSM – 2 588,8 mln teńge (10 928,25 sht.birlik), UQK – 0,8 mln teńge (3 sht.birlik), TJM – 13,0 mln eńge (165 sht.birlik);
2024 jyl – barlyǵy 5 327,7 mln teńge: DSM – 5 247,1 mln teńge (10 928,25 sht.birlik), UQK – 1,4 mln teńge (3 sht.birlik), TJM – 79,2 mln teńge (165 sht.birlik);
2025 jyl – barlyǵy 5 438,7 mln teńge:DSM– 5 356,3 mln teńge (10 928,25 sht.birlik), UQK – 1,5 mln teńge (3 sht.birlik), TJM – 80,9 mln teńge (165 sht.birlik).
Densaýlyq saqtaý mınıstrligi bul densaýlyq saqtaý júıesindegi jedel medısınalyq kómek júrgizýshileriniń jalaqysyn arttyrýǵa yqpal etetinin atap ótti.
Qujat 28 naýryzǵa deıin talqylaý úshin Ashyq NQA saıtynda jarıalandy.
BLA – bazalyq laýazymdyq aılyq.