Almatyda apattyq jaǵdaıdy týyndatqan kortej júrgizýshileri jaýapqa tartyldy.
Polıseıler áleýmettik jelilerge júrgizgen monıtorıń barysynda jol erejesin buzýdyń óreskel derekterin anyqtady, dep habarlaıdy Almaty-akshamy.kz Polisia.kz-ke silteme jasap.
«Osy kezeńde tórt kóliktiń júrgizýshileri anyqtaldy jáne jaýapkershilikke tartyldy. Olar – Lada kóliginiń júrgizýshisi, D.esimdi azamat (QR ÁQBtK-niń 535-baby 1-bóligi), Hyundai kóliginiń júrgizýshisi, J.esimdi azamat, (QR ÁQBtK-niń 595-baby 1-bóligi, QR ÁQBtK-niń 601-baby 1-bóligi), Lada kóliginiń júrgizýshisi, K.esimdi azamat, (QR ÁQBtK-niń 595-baby 1-bóligi, QR ÁQBtK-niń 601-baby 1-bóligi) jáne Lada avtokóliginiń júrgizýshisi K.esimdi azamat, (QR ÁQBtK-niń 535-baby 1-bóligi). Tekserý sharalary jalǵasyp jatyr. Onyń nátıjesinde basqa tártip buzýshylarǵa shara qoldanylady», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.