Oqıǵa 7 mamyrda Shoqtybaı aýylynda bolǵan
Batys Qazaqstan oblysynda tórt adamdy jaraqattaǵan qasqyr qutyrǵan bolyp shyqty, dep habarlaıdy Almaty-akshamy.kz QazAqparatqa silteme jasap.
Shyńǵyrlaý aýdanynyń ákimi Álıa Muhanbetjanovanyń aıtýynsha, oqıǵa 7 mamyr kúni Shyńǵyrlaý aýyldyq okrýgine qarasty Shoqtybaı aýylynda bolǵan edi.
«Qasqyrdyń basyn zertteý qorytyndysy onyń qutyrýǵa shaldyqqandyǵyn kórsetti. Qazirgi kezde Shoqtybaı eldi mekeninde 60 kúnge shekteý qoıyldy. Barlyq úı janýarlary egilip, aýlalarǵa dezınfeksıa jumystary júrgiziledi. Shoqtybaıda barlyǵy 69 aýla bar, 273 turǵyn turady. Qasqyrdyń tisi tıip, jaraqat alǵan turǵyndar emin jalǵastyrýda», - dedi QazAqparat tilshisine Á.Muhanbetjanova.
Eske sala keteıik, budan buryn Batys Qazaqstanda tórt adamǵa qasqyr shapqanyn jazǵan bolatynbyz.