Dújarrık el ataýyn ózgertý hatty alǵan sátten bastap kúshine enetinin aıtty
Birikken Ulttar Uıymy (BUU) Túrkıanyń halyqaralyq ataýyn ózgertý týraly ótinishin maquldady, dep habarlaıdy Almaty-akshamy.kz Habertürk basylymyna silteme jasap.
Birikken Ulttar Uıymy Bas hatshysynyń ókili Stefan Dújarrık Túrkıa Syrtqy ister mınıstri Mevlút Chavýshoǵlýdan Bas hatshy Antonıý Gýterrıshke Túrkıanyń shet tilderdegi ataýyn Turkiye dep ózgertýdi talap etetin hat alǵandaryn aıtty.
Dújarrık el ataýyn ózgertý hatty alǵan sátten bastap kúshine enetinin aıtty.
«Prezıdent Rejep Taıyp Erdoǵannyń basshylyǵymen eldiń bedelin kóterý úshin bastalǵan proses aıaqtalýǵa jaqyn. Búgin BUU Bas hatshysynyń atyna joldaǵan hatym boıynsha, elimizdiń atyn BUU-da shet tilderinde Türkiye dep tirkeımiz. Tek jaqsylyqqa bastasyn!» – dep jazdy Chavýshoglý.
Osylaısha, budan bylaı Turkiye ("Týrkııe") ataýy barlyq halyqaralyq forýmda jáne resmı qujatta qoldanylady. Buryn Turkey, Turkei, Turquie dep jazylǵan.
Eske salaıyq, Túrkıa BUU-ǵa eldiń atyn shet tilderinde jazýdy ózgertý týraly resmı ótinish bergen bolatyn. Bul týraly Túrkıa SİM basshysy Mevlút Chavýshoglý óziniń Twitter-degi resmı paraqshasynda aıtty.