Mamandar aqbókenderdiń ólekselerinen saraptaýǵa arnalǵan synama aldy.
Batys Qazaqstan oblysynyń Jánibek aýdanynda aqbókenderdiń qyrylýyna qatysty saraptama júrgiziledi. Qońyrat jáne Jiger eldi mekenderinen aqbókenderdiń bes ushasy tabyldy, dep habarlaıdy Almaty-akshamy.kz Egemen.kz cilteme jasap.
Ekologıa, geologıa jáne tabıǵı resýrstar mınıstrligi oqıǵa ornynda Jánibek aýdany ákiminiń orynbasarymen, jergilikti polısıa jáne veterınarıalyq mamandarmen birlesip, ishki organdardan aqbókenderdiń ólekselerinen saraptaýǵa arnalǵan synama alynǵanyn atap ótti.
«Keıin ólekseler mal qorymynyń aýmaǵynda joıyldy», delingen habarlamada.
Batys Qazaqstan oblystyq aýmaqtyq ınspeksıasynan habarlaǵandaı, Qońyrat aýylynyń aýmaǵynda múıizi bar aqbókenderdiń eki ushasy, Jiger aýylynyń aýmaǵynda aqbókenderdiń úsh ushasy tabyldy.
23 tamyzda Qazaqstanda aqbókenderdi aýlaýǵa ruqsat etiletini belgili boldy. Bul rette Ekologıa mınıstrliginiń basshysy Serikqalı Brekeshev bul másele boıynsha birjaqty sheshim qabyldanbaǵanyn, jurtshylyqtan kelip túsetin túrli nusqalar qaralyp jatqanyn aıtty.