Respýblıka boıynsha jeldiń kúsheıýi kútilýde.
«Qazgıdromet» mamandary 15-17 qazan kúnderi aýa raıy qandaı bolatynyn boljady, dep habarlaıdy Almaty-akshamy.kz.
Sınoptıkterdiń bojamy boıynsha, sıklon jyrasynyń áserinen jáne atmosferalyq fronttardyń ótýimen, demalys kúnderi elimizdiń kóp bóliginde jańbyr jaýady, soltústik aımaqtarda jaýyn-shashyn jańbyr men qar túrinde bolady.
«Atlantıkalyq aımaqtardan antısıklonnyń enýimen aýa temperatýrasynyń birtindep tómendeýi jáne jańa aptanyń basy qaraı jaýyn-shashynnyń toqtaýy kútiledi. Eldiń ońtústik-shyǵysynda atmosferalyq fronttarmen osy aptanyń sońyna deıin jańbyr jaýady. Respýblıka boıynsha jeldiń kúsheıýi kútilýde, eldiń shyǵysynda, soltústiginde, batysynda tuman, soltústiginde kóktaıǵaq boljanady», - delingen «Qazgıdromet» habarlamasynda.
Qazaqstannyń batysynda túnde 10 gradýs jyly - 3 gradýs aıazǵa deıin tómendeıdi, kúndiz 8-15 gradýs, ońtústik-batysta 20 gradýs jylyǵa deıin joǵarylaıdy; soltústikte, eldiń ortalyǵynda túngi ýaqytta 8 gradýs jyly - 3 gradýs aıazǵa deıin, kúndiz 5-14 gradýs jylyǵa deıin tómendeıdi; shyǵysta negizgi fon túnde 8 gradýs jyly - 5 gradýs aıaz, kúndiz 10-21 gradýs jylyǵa deıin tómendeıdi; respýblıkanyń ońtústiginde túnde 0-11 gradýs jylyǵa deıin, kúndiz 15-23 gradýs jylyǵa deıin tómendeıdi; ońtústik-shyǵysta túnde negizgi fon 3-12 gradýs jyly, taýly aımaqtarda 3 gradýs jyly – 5 gradýs aıazǵa deıin, kúndiz 7-20 gradýs jylyǵa deıin tómendeıdi.