Jańa qaýly búgin túngi saǵat 00-den bastap kúshine endi.
Qazaqstannyń Bas memlekettik sanıtar dárigeri Erlan Qıasov 2021 jylǵy 2 qyrkúıektegi №38 qaýlysyna ózgerister engizý týraly jańa qaýlyǵa qol qoıdy, dep habarlaıdy Almaty-akshamy.kz
Bul týraly Densaýlyq saqtaý mınıstrliginiń Sanıtarlyq-epıdemıologıalyq baqylaý komıteti málimdedi.
Qazaqstanda koronavırýs taralýynyń aldyn alý maqsatynda «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2020 jylǵy 7 shildedegi № 360-VI QRZ Kodeksiniń 1-tarmaǵynyń jáne 104-baby 7-tarmaǵynyń 8) tarmaqshasyna sáıkes, qaýly etemin:
1. «Qazaqstan Respýblıkasynyń halqy arasynda koronavırýstyq ınfeksıa aýrýynyń aldyn alý jónindegi sharalardy odan ári kúsheıtý týraly» Qazaqstan Respýblıkasynyń Bas memlekettik sanıtarıalyq dárigeriniń 2021 jylǵy 2 qyrkúıektegi № 38 qaýlysyna (budan ári – № 38 BMSDQ) mynadaı ózgerister men tolyqtyrýlar engizilsin:
1) № 38 BMSDQ-nyń 3-tarmaǵynyń 2) tarmaqshasy alyp tastalsyn;
2) № 38 BMSDQ-nyń 12-tarmaǵynyń 3) tarmaqshasy mynadaı redaksıada jazylsyn:
«3) COVID-19-ǵa kúdikti naýqas tirkelgen jaǵdaıda COVID-19-ben aýyratyn naýqastardan materıal alý jáne tasymaldaý kezinde qoldanystaǵy normatıvtik quqyqtyq aktilerde kózdelgen tártipti saqtaýdy, osy qaýlyǵa 22-qosymshaǵa sáıkes COVID-19 oshaqtarynda dezınfeksıalyq is-sharalardy júrgizýdi»;
3) № 38 BMSDQ-ǵa 35-qosymsha osy qaýlyǵa qosymshaǵa sáıkes jańa redaksıada jazylsyn.
2. Osy qaýlynyń oryndalýyn baqylaýdy ózime qaldyramyn.
Qaýlynyń tolyq mátinin myna jerden kórýge bolady.