«Qazgıdromet» RMK boljaýynsha, Almaty qalasynda 23 qarasha, sonymen qatar, 29-30 qarasha aralyǵynda aýa-raıy buzylady: jel kúsheıip, jaýyn-shashyn túsip, qar jaýady, aýa temperatýrasy -3 gradýsqa deıin tómendeıdi. Joldar men trotýarlarda kóktaıǵaq bolady, dep habarlaıdy almaty-akshamy.kz Almaty qalasy Komýnaldyq ınfraqurylymdy damytý basqarmasyna silteme jasap.
Jolǵa muz qatýy múmkin, júrgizýshilerdi óte muqıat bolýǵa, araqashyqtyqty, búıirlik aralyqty saqtaýǵa, qolaısyz aýa-raıyn eskerip, jyldamdyqty asyrmaýǵa, shuǵyl burylmaýǵa jáne tejegishti birden baspaýǵa, jol belgilerin qatań saqtaýǵa shaqyramyz. Jaıaý júrginshiler jolda abaılap júrip, múmkindiginshe saq bolýy kerek, júrgizýshi sizdi kórip, ótkizip jibergenine kóz jetkizip, kólik quraly jaýyn-shashyn kezinde, ásirese kóktaıǵaqta birden toqtaı almaıtynyn este saqtaý qajet.
Aýdan ákimdikterinde jaǵdaıdy baqylaý boıynsha táýlik boıy kezekshilik uıymdastyrylady. Sýdyń aryq arqyly kedergisiz aǵyp ketýin qamtamasyz etý úshin 22 qarasha kúni tańerteń aýdan ákimdikteri 42 brıgadanyń kúshimen aryq jelileri men ótkelderdi tazartý jumystaryn uıymdastyrdy. Jaýyn-shashyn bastalǵannan bastap yqtımal sý basýdyń aldyn alý úshin 37 kezekshi brıgada, 168 birlik arnaıy tehnıka, 23 motopompa jáne 524 jumysshy jumyldyrylady. 1900 qap qum jınalady.
Almaty qalasynyń komýnaldyq ınfraqurylymdy damytý basqarmasy kóktaıǵaqqa qarsy jumysqa 10 merdiger uıym, 818 birlik tehnıka men 1240 jumysshy jumyldyrady. Komýnaldyq qyzmetterdiń kóktaıǵaqqa qarsy jedel jáne sapaly jumys júrgizýi úshin kólik ıelerinen múmkindiginshe qalada qozǵalysty shekteı turyp, kólikterin joldyń jıegine qaldyrmaýyn suraıdy.