Qarjy pıramıdalaryn jarnamalaıtyn 52 silteme buǵattaldy
Bas prokýratýranyń kúdiginen keıin 13 qarjylyq pıramıdanyń ústinen sotqa deıingi tergeý bastaldy, dep habarlaıdy Almaty-akshamy.kz QazAqparat agenttigine silteme jasap.
Bul týraly «Kıberqadaǵalaý» aqparattyq júıesiniń kómegimen qarjy pıramıdalaryn jarnamalaıtyn 52 silteme buǵattaldy.
QR Bas prokýrory Ǵızat Nurdáýletov Májilis ókilderiniń depýtattyq saýalyna bergen jaýabynda málim etti.
«Zańsyz qarjy operasıalary faktileriniń jolyn kesý úshin QR Qarjy monıtorıńi agenttigi 2020 jylǵy 12 mamyrda qarjy pıramıdalarynyń tıpologıasyn, olardyń kúdik krıterıılerin jáne jumys isteý sqemalaryn túzip shyqty. Negizgi ólshemder salynǵan qarajattan áldeqada mol tabys ýáde etý, árbir jańa qatysýshy úshin bonýstar tóleý sıaqty 16 belgiden turady», - delingen Bas prokýrordyń jaýabynda.
Onyń aıtýynsha, Qarjy monıtorıńisiniń sýbektileri sol tıpologıa boıynsha óz klıentteriniń áreketin jiti baqylap, kúdikti operasıalar baıqalsa, Qarjylyq monıtorıń agenttigine habarlaýǵa mindetti.
«Qarjy pıramıdasynyń belgileri jáne olarǵa belgili bir jeke jáne zańdy tulǵalardyń qatysy bar-joǵy rastalǵan jaǵdaıda Qarjylyq monıtorıń agenttigi quqyq qorǵaý organdaryna aqparat jiberedi jáne bul týraly Bas prokýratýraǵa habarlaıdy. Búgingi tańda agenttik jalpy somasy 4,9 mlrd teńge salǵan 21 salymshyny joldady. Onyń ishinde 10,6 myń salymshynyń 3,6 mlrd teńgesine ıelik etken 13 qarjy pıramıdasynyń belgileri týraly aqparat rastaldy. Sotqa deıingi tergeý bastaldy», - dep túıindedi bas prokýror.