9 aı ishinde Almaty aýmaǵynda 800-den astam adam qutqarylǵan
Qutqarýshylar kúnine oraı Almatyda Almaty garnızony tarıhynda TJD qutqarýshylar aleıasynda alǵashqy skver ashyldy, dep habarlaıdy Almaty-akshamy.kz Almaty qalasy TJD-niń baspasóz qyzmetine silteme jasap.
Skver aýmaǵynda «Qutqarýshy» shaǵyn sáýlettik formasy ornalasqan. Bul - qolynda balasy bar bıiktigi 2,5 m quraıtyn jaýynger-qutqarýshynyń beınesi.
Qutqarýshy bolattan jasalǵan, aıqyn tigistermen oryndalǵan, bul qazirgi beıbit zamanǵy rysardy beıneleıdi, qutqarýshylarǵa jáne órt sóndirýshilerge qurmet kórsetedi.
Mamyr aıynda munda birneshe júzdegen butalar men aǵashtar otyrǵyzyldy. Kóshetterge jasalǵan keshendi kútimge qaramastan, keıbireýleri tamyr almady, biraq olardyń barlyǵy qosymsha otyrǵyzyldy.
«Skverde kelýshiler úshin barlyq qolaıly jaǵdaılar jasalǵan – kógaldar otyrǵyzyldy, jaıaý júrginshi joldary, taqyryptyq oryndyqtar ornalastyrylǵan. Epıdemıologıalyq jaǵdaıynda azamattyq qorǵaý organdary bizdiń azamattarymyzdyń qaýipsizdigin qamtamasyz etý boıynsha qyzmet atqarýda», - delingen habarlamada.
Kún saıyn TJ-ǵa jedel den qoıý úshin 200-den astam adam, 80-nen astam tehnıka jáne 3 áýe borty kezekshilikke shyǵýǵa daıyn. 109 qutqarýshy 700-den astam adamdy qutqardy.
Aǵymdaǵy jyldyń 9 aıynda almatylyq qutqarýshylar 182 adamnyń ómirin saqtap qaldy, apattyq-qutqarý jáne kezek kúttirmeıtin jumystarǵa 2,7 myń shyǵý júzege asyryldy. Almaty qalasynyń ákimdiginiń 109 qutqarý qyzmeti 700-den astam adamdy qutqardy.