Elordalyq «Barys» komandasyna jańa bas bapker taǵaıyndaldy. Bul qyzmetke belarýstik maman Andreı Skabelka keldi, dep habarlaıdy Almaty-akshamy.kz QazAqparat-qa silteme jasap.
Belarýs mamanymen kelisimshart eki jylǵa jasalǵan. Ol 2024 jyldyń 30 sáýirine deıin bas bapker qyzmetin atqara alady. Andreı Skabelka 1971 jyly 20 qańtarda dúnıege kelgen. Ol kásibı hokeıshi retinde 1988-2007 jyldarda Belarýs, Reseı klýbtarynda oıyn kórsetken. 2007 jyldan beri bapkerlikke bet buryp, Reseı, Belarýs klýbtarynyń tizginin ustady. 2018-2020 jyldarda «Barys» jáne Qazaqstan ulttyq quramasy tizginin ustady. Onyń jetekshiligimen elordalyq klýb eki jyl qatarynan Chernyshev dıvızıonynda kósh basynda bolsa, Gagarın kýbogy shyǵys konferensıasynda jartylaı fınalǵa deıin jetti. Buǵan deıin 2020-2021 jyldarda Reseıdiń «Lokomotıv» (Iaroslavl) klýbyna jetekshilik jasady. Aıta ketsek, 2020-2022 jyldarda «Barys» komandasyna qazaqstandyq maman Iýrıı Mıhaılıs bas bapker boldy.
«Barysqa» jańa bas bapker keldi
- Avtor Almaty-akshamy
- 14:01, 14 maýsym 2022
Cýret: Inform.kz