Atyraý oblysy: sý tasqynynan keıin qalpyna keltirý
Úkimet otyrysynda Atyraý oblysynyń ákimi Serik Shapkenov sý tasqynynan zardap shekken 2674 úıdi qalpyna keltirý jumystary týraly baıandady. Barlyq zardap shekkenderge ótemaqy tólendi.
Baspanaǵa muqtaj jandar Jylyoı aýdanynyń Qulsary qalasyndaǵy «Bolashaq» shaǵyn aýdanyndaǵy 100 jańa tıptik turǵyn úıdiń kiltin alady.
Gaz jáne elektr jelilerindegi zaqymdanýlar tolyǵymen qalpyna keltirildi, jyl sońyna deıin kólik ýchaskelerin, kópirler men birqatar bilim berý obektilerin aǵymdaǵy jóndeý jumysy aıaqtalady.
Sýǵa ketken mal úshin ıelerine ótemaqy retinde 274 mln teńge tólendi. Arnaıy komısıa zardap shekken 337 kásipkerdiń ótinishterin qarady, onyń ishinde 301 kásipker 4,1 mlrd teńge tólem aldy.