Elorda áýejaıynda Ýımbldon týrnıriniń jeńimpazy Elena Rybakınany jankúıerleri qarsy aldy, dep habarlaıdy Almaty-akshamy.kz Baq.kz-ke silteme jasap.
«Erteń saǵat 15:00-de barlyq mańyzdy suraqtaryńyzǵa jaýap beremin. Kelgenderińizge kóp rahmet!» - dep qysqa qaıyrdy Rybakına.
Úlken tenıs sheberi qazaqstandyq tenısshiler arasynda tuńǵysh ret jekeleı synda «Úlken dýlyǵa» dodasynyń jeńimpazy atandy.
Eske salaıyq, Rybakına Ýımbldonda álemniń 2-raketkasy, týnıstik Ons Jabermen bas júldeni sarapqa salǵan edi. 1 saǵatqa sozylǵan kezdesýde jerlesimiz úsh sette 3:6, 6:2, 6:2 jalpy esebimen jeńiske jetti.
Sondaı-aq búgin Memleket basshysynyń Jarlyǵymen sporttaǵy asa úzdik jetistikteri jáne halyqaralyq yntymaqtastyqty damytýǵa qosqan úlesi úshin Mádenıet jáne sport mınıstrliginiń «Sportty damytý dıreksıasy» RMQK sportshy-nusqaýshysy Elena Andreevna Rybakına İİ dárejeli «Dostyq» ordenimen marapattaldy.