Jelide Rýslan Berdenovke qastandyq jasaý isin qaraǵan sýdıanyń oǵash qylyǵy tarady. Bul vıdeony qazaqstandyq jýrnalıs Botagóz Omarova bólisti, - dep habarlaıdy Aqshamnews.kz tilshisi.
Oqıǵa Shymkentte bolǵan. Sýdıa Ábınur Qarabaev jýrnalıske qarap, kameraǵa tilin shyǵarǵan. Onyń mundaı áreketke ne sebepti barǵany belgisiz.
"Qarabaevqa ne boldy? Bul áreketke ne sebep boldy? Bári durys pa? Bul meni alańdatyp qoıdy", – dedi Omarova.
Sondaı-aq, ol áriptesterinen sýdıanyń basqa jaǵdaılarda da osyndaı qylyq tanytqan-tanytpaǵanyn surady.
Eske salaıyq, Shymkentte qala ákiminiń orynbasary Rýslan Berdenovke qastandyq jasaǵan kúdiktige qatysty sot otyrysy jalǵasyp jatyr. Prokýror aıyptalýshyǵa 11 jyl 3 aı taǵaıyndaýdy surady.