Almatyda ótken Túrkí memleketterí ūıymynyń (TMŪ) IV Halyqaralyq jastar festıvalíníń ashylu saltanaty barysynda qalaǵa "2025 jylǵy Túrkí álemíníń jastar astanasy" mártebesí beríldí, dep habarlaıdy aqshamnews.kz
Būl sharaǵa TMŪ bas hatshysy Kubanychbek Omuralıev, QR Mádenıet jáne aqparat mınıstrí Aıda Balaeva, Almaty qalasynyń ákímí Darhan Satybaldy jáne TMŪ-ǵa múshe elderdíń belsendí jastary qatysty.
Memleket basshysy Qasym-Jomart Toqaev arnaıy qūttyqtau hatyn joldady.
“Almaty – azattyǵymyzdyń altyn besígí, jasampaz jastardyń qūtty mekení. Órkenıetímízdíń órísín keńeıtuge ólsheusíz úles qosqan kóptegen ūly tūlǵalarymyz osy qalada ósíp-óngen. Shyn mánínde, tól mádenıetímízdíń temírqazyǵyna aınalǵan shejírelí shahar qazaq elíníń ǵana emes, túrkí memleketteríníń de ruhanı ordasy sanalady”, – delíngen qūttyqtau hatynda.
Saltanatty ís-shara ayasynda bauyrlastyqtyń, sením men jańa múmkíndíkterdíń nyshanyna aınalǵan jastar astanasy kíltín 2024 jylǵy jastar astanasy - Lenkoran qalasy, Ázerbaıjan elíníń ókílderí Almaty jastaryna tabystap, bauyrlastyq estafetasyn jalǵady.
Aıta keteıík, halyqaralyq festıval QR Mádenıet jáne aqparat mınıstrlígíníń jáne Almaty qalasy ákímdígíníń qoldauymen ótíp jatyr.
Festıval ekí kúnge jalǵasyp, Túrkí memleketterí ūıymyna múshe – Qazaqstan, Ázerbaıjan, Qyrǵyzstan, Túrkıya jáne Ózbekstannan kelgen delegattar jastar sayasaty, kásípkerlík, azamattyq belsendílík jáne áleumettík bastamalardy damytu tájírıbelerímen bólísedí.
Sondaı-aq jas kóshbasshylar men kásípkerlerdíń kezdesuí ótedí.