Biraq odan jaýap alynǵan joq.
6 jylǵa sottalǵan Kausar Travel dırektory Medet Muratbaıuly kútpegen málimdeme jasady, dep habarlaıdy Almaty-akshamy.kz OTYRAR portalyna silteme jasap.
Osy janjal bastalǵan qańtar aıynda bul týraly habarlaǵanbyz.
Mekke men Medınaǵa barǵysy kelgen qajylardyń árqaısysy týrısik fırmaǵa kem degende myń dollardan bergen.
Qajylyqqa barǵysy kelgenderdi sergeldeńge salǵan Kausar Trevel týrfırmasynyń dırektoryna Shymkent soty úkim shyǵardy. Oǵan júzdegen qazaqstandyqty aldady degen aıyp taǵyldy.
Mekke men Medınaǵa barǵysy kelgenderdiń keıbireýleri Qazaqstannan ushyp kete almaǵan, al keıbiri shet elge baryp alyp, baspanasyz, aqshasyz, ash qalǵan. Sot prosesi bastalmaı turyp, kúdiktiler jýrnalıserge suhbat berip, máseleni túsindirmek bolǵan.
"Men ulttyq qaýipsizdik komıtetine, Shymkent polısıa departamentine aryz jazdym. İs boıynsha Bekbolat Tileýhanov ta sotqa kelýge bolǵan. Ol aldanǵan adamdardyń barlyq aqshasyn alyp ketti, biraq qandaı da bir sebeptermen ol is boıynsha odan jaýap alynbady", - dedi sottalýshy sot prosesi bastalǵanǵa deıin.
Sotta 300-ge jýyq qajy kýá retinde tartyldy. Zardap shekkender aldanǵandardyń odan da kóp bolýy múmkin ekenin aıtty. Sot jaryssózinde prokýror aıyptalýshyny 4 jyl 8 aıǵa bas bostandyǵynan aıyrýdy surady.
"Sot úkimimen sottalýshy kináli dep tanylyp, 6 jylǵa bas bostandyǵynan aıyryldy. Ol jazasyn ortasha qaýipsizdik mekemesinde óteıdi", - dedi sýdıa Aınel Oraqbaeva.
Týrfırma dırektory óz kinásin moıyndamady jáne ókinbedi.