Bıyl belgili jazýshy, dramatýrg Oralhan Bókeıdiń týǵanyna 80 jyl toldy.
Ataýly mereıtoı qalamgerdiń týǵan jeri Qatonqaraǵaıdan bastaý alyp, qazir respýblıka kóleminde toılanýda. Osy oraıda 28-30 qyrkúıek aralyǵynda jazýshynyń jastyq shaǵy ótken Almaty qalasynda da birqatar merekelik is-shara josparlanyp otyr, dep habarlaıdy Almaty-akshamy.kz.
Almatydaǵy merekelik sharalar legi QR Ulttyq kitaphana ǵımaratynda Oralhan Bókeı kitaptary men «Tór Altaı boıaýlary» plenerine qatysqan sýretshilerdiń kórmesimen bastalady.
Kórmeden soń «El-shejire» qoǵamdyq qorynyń Oralhan Bókeı shyǵarmashylyǵyna arnap uıymdastyrǵan «Ór Altaıdyń asqaq jyrshysy» atty konferensıasy ótedi.
30 qyrkúıek kúni 11:00-de Almaty qalasynyń «Alataý» dástúrli óner teatrynda respýblıkalyq alaman aıtys ótedi. Oǵan respýblıkamyzdyń túkpir-túkpirinen jınalǵan aqyndar qatyspaq. Atap aıtqanda, sóz dodasyna Jansaıa Mýsına, Muhtar Nıazov, Meıirbek Sultanhan, Ershat Qaıboldın, Aspanbek Shuǵataev, Shuǵaıyp Sezimhan, Nurzat Qarýqyzy, Erjan Ámirov, Serik Qýanǵan, Aqnıet Jubanysh, Qazyret Berdihan, Tólegen Jamanov, Aıbek Jeńisqazın, Farhat Maratuly sıaqty sýyryp salma aqyndar óner kórsetedi.
Eske salaıyq, Oralhan Bókeıdiń 80 jyldyǵyna arnalǵan merekelik sharalar Aýyldyq aımaqtardy turaqty damytý qorynyń uıytqy bolýymen ótip jatyr.