Kartopty ezgen Batka. Prezıdenti ańdamaı sóıleıtin Belarýstyń 756 mıllıon dollar joǵaltý qaýpi bar
2023 jyly Qazaqstan men Belarýs arasyndaǵy taýar aınalymy 912 mıllıon dollar boldy. Shyn aıtsaq, Astana men Mınsk arasyndaǵy saýda quldyrap keledi. 2022 jylǵy taýar aınalym 1 mıllıard dollardan asatyn.
Qazirgi 912 mıllıonnyń 756 mıllıon dollary – Belarýstiń bizge satatyn ımporty. Bizden Aleksandr Lýkashenkonyń eli 155 mıllıon dollarǵa ǵana taýar alady. Demek qazaq eksporty qurylymynda Belarýs úlesin mıkroskoppen ǵana kórýge bolady. Iaǵnı, biz úshin Belarýstyń bar-joǵy tipti bilinbeıtin bolsa, 2023 jyly 39,37 mıllıard dollar eksport kórsetken Mınsk úshin bizdiń úlesimiz 1,9 paıyz.
Belarýstan bizge keletin ımport naqty úsh kategorıaǵa bólingen. Azyq-túlik (et, shujyq, sút, irimshik), aýyl sharýashylyǵy tehnıkasy (traktorlar, prısepter) jáne jıhaz. Osynyń ishinen Qazaqstan tarapy kez-kelgen ýaqytta Belarýs azyq-túliginen qaýipti potogen taýyp alýy múmkin. Al aýyl sharýashylyǵy tehnıkasy keıbir standarttarǵa saı bolmaı shyqsa da tań qalýǵa bolmaıdy.
Dıplomatıa men ekonomıkanyń syrt kózben kórinbeıtin baılanysy bar. Sondyqtan basqa eldermen qarym-qatynasynda aýzyna ıe bolmaı, tym batyl sóıleıtin memleket basshylary kóp jaǵdaıda óziniń naqty ekonomıkasyna zıan tıgizip jatady.
Belarýs - Eýrazıalyq ekonomıkalyq odaq syndy ıntegrasıalyq uıymdardan eń kóp paıda kórgen, eksportyn kóbeıtip alǵan el.
Biraq ne úshin «baqytyn basqa tebe bastaǵandyǵy» túsiniksiz bolyp otyr.
https://www.facebook.com/aybarolzhayev/posts/