Jalpyǵa birdeı deklarasıalaý: Qarjy mınıstrligi merzimder týraly eske saldy
15 qyrkúıekte zańdy tulǵalardyń basshylary, quryltaıshylary, jeke kásipkerler jáne olardyń jubaılary úshin deklarasıa tapsyrý merzimi aıaqtalady, dep habarlaıdy aqshamnews.kz
Memlekettik kirister komıtetiniń málimetinshe, jyl basynan beri deklarasıany jalpy deklaranttardyń 60%-y, ıaǵnı 1,4 mıllıon adam tapsyrǵan. Jalpy, 2024 jyly 2,4 mıllıon jeke tulǵa deklarasıa tapsyrýǵa mindetti.
«Deklarasıa aktıvter men mindettemeler týraly aqparatty el ishinde jáne onyń sheginen tys jerde 31 jeltoqsanǵa deıingi jaǵdaı boıynsha kórsetýge arnalǵan. Sonymen qatar, deklarasıany usynýdan rezıdent emester, komersıalyq emes uıymdardyń quryltaıshylary (qatysýshylary) jáne aksıonerler bosatylady», — delingen habarlamada.
Eske sala keteıik, osy jyldyń 1 qańtarynan bastap jalpyǵa birdeı deklarasıalaýdyń úshinshi kezeńi bastaldy, ol kásipkerler men olardyń jubaılaryn qamtydy. Buǵan deıin qujatty tek memlekettik qyzmetshiler men olardyń otbasy músheleri ǵana usynatyn.
«Salyq mindettemesin ýaqtyly oryndamaýdan aýlaq bolý úshin barlyq azamattardan deklarasıany turǵylyqty jeri (tirkelgen mekenjaıy) boıynsha aldyn ala tapsyrýdy suraımyz», — dep eskertti Qarjy mınıstrligi.