Atalmysh týyndy 1995-1996 jyldardaǵy bilim-ǵylym salasynda júrgen jandardyń ómir jolyn beıneleıdi.
«Almaty» telearnasynyń jańa maýsymynda «Baqyttymyn ózińmen» atty telehıkaıa jaryqqa shyǵady. Atalmysh týyndy 1995-1996 jyldardaǵy bilim-ǵylym salasynda júrgen jandardyń ómir jolyn beıneleıdi, dep habarlaıdy Almaty-akshamy.kz.
«Baqyttymyn ózińmen» telehıkaıasynda men Aıbek Áýkenov degen keıipkerdiń rólin somdaımyn. Bul týyndy 1995-1996 jyldar aralyǵyn qamtıdy. Aıbek – aýylda ósken, óte momyn, óz armanyn satpaıtyn jigitterdiń biri. Ol aýylda mektepte tarıh páninen sabaǵaq beredi. Oǵan Almatyǵa kelip bilimin jalǵastyryp, dısertasıa qorǵaýǵa múmkindik týady. Ol alyp shaharǵa kelgende burynǵy dostary burys jolǵa túsip ketken eken. Qyzyq oqıǵanyń bári Almatyda bastalady», – deıdi akter Eldos Shákenov
Akterdiń aıtýynsha, fılm barysynda Aıbektiń aqylymen dostary túrli kásip ıgerip, táýelsiz Qazaqstannyń damýyna ózindik úlesin qosady.
«Aıbek Elbasy Nursultan Nazarbaevtiń kóptegen jarlyǵyn oryndaı otyryp, Qazaqstannyń sol zamanda damyp ketkenin kórsetedi. Aıbek ǵylym jolyna túsip, ınstıtýtta sabaq berip, profesorlyqqa deıin kóteriledi», – deıdi akter.
«Baqyttymyn ózińmen» serıalynda Aıbektiń ǵashyǵy bolyp aktrısasy Araı Qusaıynova oınaıdy.
«Men 22-23 jastaǵy Roza esimdi keıipkerdiń rólin somdaımyn. Keıipkerdiń jan dúnıesi ózime jaqyn, aqyldy jáne óte bilimdi qyz. Túsirilim barysy óte qyzyq ótip jatyr. Bul meniń ekinshi jobam. Túsirilim barysy maǵan qıyndyq týdyrmady. Rólge birden sińip kete aldym», – dedi aktrısasy Araı Qusaıynova.
Aıta keteıik, «Baqyttymyn ózińmen» telehıkaıanyń maqsaty – kórermenge táýelsizdik jolynda qarapaıym eńbek adamdarynyń, elimizdiń bilim-ǵylym salasynda júrgen jandardyń ómir jolyn, qıyndyqty jeńip shyqqan sátterin kórsetý.
Telehıkaıa 4 qazannan bastap, dúısenbi-juma aralyǵynda saǵat 20:40-ta «Almaty» telearnasynan kórsetiledi.