Búgingi tańda barlyq kedergiler joıyldy.
Reseı Federasıasynyń Densaýlyq saqtaý mınıstri Mıhaıl Mýrashko Dúnıejúzilik densaýlyq saqtaý uıymynda reseılik «Spýtnık V» vaksınasyn tirkeýde bolǵan barlyq kedergilerdiń joıylǵanyn málimdedi, dep habarlaıdy Almaty-akshamy.kz 24.kz-ke silteme jasap.
«Reseı Federasıasynyń reseılik «Spýtnık V» vaksınasyn tirkeý jáne odan ári damytý týraly ustanymy tyńdaldy. Dúnıejúzilik densaýlyq saqtaý uıymy boıynsha «Spýtnık V» vaksınasyn tirkeýmen aınalysatyn kompanıa birqatar qujattarǵa qol qoıyp, birqatar qosymsha qujattardy usynǵanyn ǵana kútip otyrmyz», – dedi Mıhaıl Mýrashko.
Reseılik mınıstrdiń aıtýynsha, Dúnıejúzilik densaýlyq saqtaý uıymynyń bas dırektory Tedros Adanom Gebreıýs keshegi kezdesýde «ári qaraı jumys isteýge» eshqandaı kedergi joq ekenin rastaǵan.
«Búgingi tańda barlyq kedergiler joıyldy. Sondyqtan biz búgin odan ári jumys isteýge eshqandaı kedergi kórip otyrǵan joqpyz. Muny bizge Dúnıejúzilik densaýlyq saqtaý uıymynyń bas dırektory rastady», – dedi ol.