Sebebi, ajyrasqandar sany kóbeıip ketken.
«Baqytty otbasy» baǵdarlamasynan tolyq emes otbasy sanaty alynyp tastaldy, dep habarlaıdy Almaty-akshamy.kz
Bul týraly Indýstrıa jáne ınfraqurylymdyq damý mınıstrligi (IIDM) Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdol aıtty.
Taldaý nátıjesin eskerip, otbasy ınstıtýtyn saqtaý jáne yntalandyrý úshin «Baqytty otbasy» baǵdarlamasynan tolyq emes otbasy sanaty alynyp tastaldy. Sondaı-aq basym sanattar boıynsha biryńǵaı tásil qaǵıdaty eskerilip, jetim balalar, 1-2 toptaǵy múgedekter engizildi. Júrgizilgen monıtorıń «Baqytty otbasy» iske qosylǵan sátten bastap, ákimdikterde tolyq emes otbasy sanaty boıynsha kezekke turǵandar sany 61,6 myń adamǵa (72%) artqanyn kórsetti. Bul basqa úı kezeginde turǵandar úshin teń emes jaǵdaı týdyrdy, - dedi Baýyrjan Qabdol.
Onyń aıtýynsha, atalǵan baǵdarlama boıynsha ótinishterdiń 50%-dan astamy tolyq emes otbasylardan kelip túsken. Onyń 35%-y jeńildetilgen qaryz alǵan.
Sondaı-aq komıtet tóraǵasy 2019 jyly «Baqytty otbasy» iske qosylǵannan keıin elde ajyrasý kórsetkishi kúrt kóbeıgenin atap ótti.