Almaty Memlekettik qýyrshaq teatry 1 maýsym – Halyqaralyq balalardy qorǵaý kúnine oraı «Baqytty balalyq shaq» oıyn-saýyqtyq merekelik baǵdarlamasyn, jýyrda ǵana tusaýy kesilgen «Este saqta, balaqaı!» aqparattyq-tanymdyq qoıymynyń kórsetilimin qalamyzdaǵy múmkindigi shekteýshi, az qamtylǵan, múgedek jáne kóp balaly otbasylardyń búldirshinderine usynbaq. Sonymen qatar, onlaın formatta uıymdastyrylǵan «Men baqytty balamyn!» kórkem sýret baıqaýynyń jeńimpazdaryn alǵys hattarmen jáne estelik syılyqtarmen marapattaý josparlanýda.
«Baqytty balalyq shaq» oıyn-saýyqtyq merekelik baǵdarlamasy:
Áýezdi án men kóńildi bı, tanymdyq oıyndarǵa qurylǵan zamanaýı baǵyttaǵy oıyn-saýyqtyq baǵdarlama búldirshinderdi tańǵajaıyp ertegiler álemine jeteleıdi. Baǵdarlama barysynda balalardyń súıikti keıipkerleri LOL, Kısı-Mısı, Hagı-Vagı, Tımon jáne Pýmba, Mıkkı Maýs, Donald Dak, Masha men Aıý, Mınondar jáne Aldar kóse men shyq bermes Shyǵaıbaı syndy boıly qýyrshaqtar san alýan tosynsyılaryn usynady. Umytylmas merekeni bizben birge kóńildi ótkizińiz, qadirli kórermen!
«Este saqta, balaqaı!» spektakli:
Qoǵam ómirinde mańyzdy oryn alatyn, árbir adam bilýge jáne ustanýǵa tıis salaýatty ómir salty, durys tamaqtaný, órt qaýipsizdigi jáne jol júrý erejelerin qanshalyqty jetik bilemiz?! Kúndelikti ómirde osy erejelerdi qatań saqtap júrmiz be?! Búldirshinder qyzyǵýshylyǵyna saı ınteraktıvti baǵytta sahnalanǵan «Este saqta, balaqaı!» aqparattyq-tanymdyq qoıylymy osy saýaldarǵa jaýap izdeıdi. Astary tereń tárbıege ıe jaýapkershilikke, tazalyqqa, jan-jaqtylyqqa, kishipeıildilikke shaqyratyn qoıylym kórermenderdi beıjaı qaldyrmasy anyq.
Ótetin kúni: 1 maýsym, 2023j.,
Ótetin ýaqyty: 14:00 (merekelik baǵdarlama), 15:00 (qoıylym kórsetilimi)
Ótetin orny: Memlekettik qýyrshaq teatry, Pýshkın kóshesi 63.
İs-shara uzaqtyǵy: 1 saǵat, 30 mınýt.
Baılanys nómirleri: 8 727 222 20 10, 8 777 128 94 18