Nur Otan partıasy Almaty qalalyq fılıalynyń tóraǵasy qabyldaý ótkizdi.
Nur Otan partıasy Almaty qalalyq fılıalynyń tóraǵasy, Almaty ákimi Baqytjan Saǵyntaev partıanyń qoǵamdyq qabyldaýynda azamattardy qabyldady, dep habarlaıdy Almaty-akshamy.kz.
J. Satybaldıev Aıan Ǵalıevti eske alý qurmetine Memlekettik kirister departamentiniń ǵımaratyna memorıaldyq taqta ornatý týraly áriptesteriniń ótinishin aıtty. Almatynyń Mamandandyrylǵan kúzet qyzmeti basqarmasynyń qyzmetkeri 2016 jyldyń 18 shildesinde MKD ǵımaratyn kúzetý ári qarýly qylmyskerdi ustaý kezinde qaıtys bolǵan. B. Saǵyntaev bul máseleni qalanyń mádenı-tarıhı eskertkishterin qorǵaý jónindegi komısıada qaraýdy tapsyrdy. Qala ákimi bolashaq urpaqqa sabaq bolatyn erlikti eske alý kerektigin aıtty.
Art Forum of Kazakhstan uıymdastyrý komıtetiniń tóraıymy R. Iýsýpova aıtqan aspaptyq oryndaýǵa arnalǵan halyqaralyq baıqaýdy qoldaý men alǵa jyljytý týraly másele zertteledi. İs-shara onlaın rejımde josparlanǵan.
Medeý aýdanynyń ákimine «Almaty sý» basshysymen birge Baıqońyr, Zarechnaıa, AEVRZ, Kóńil tolqyny kósheleri turǵyndaryn sýmen qamtý máselesin sheshý boıynsha jumystyń barysyn túsindirý úshin oqıǵa ornyna barýdy tapsyrdy. Sondaı-aq O.Panınanyń ótinishi boıynsha tasymaldanatyn sýdyń sapasyna baqylaýdy kúsheıtý de tapsyryldy.
«Shuǵyla sıtı» turǵyn úı kesheniniń turǵyny D. Tursymbaevtyń máselesi boıynsha Almaty ákimi keshendi gazben jabdyqtaýdy tezdetýdi tapsyrdy. Syrtqy gaz qubyrynyń qysymyn synaý aıaqtalǵannan keıin abonentterdi qosý josparlanýda.
Alataý aýdanynyń Mádenıet shaǵynaýdanynda gaz qubyrynyń qurylysyn tezdetý múmkindigi de zertteledi. Bul máseleni shaǵynaýdannyń turǵyny B.Orazbek kóterdi.