Bıylǵy oqý jylynda mektepterge 301 171 oqýshy bardy.
Megapolıs ákimi Baqytjan Saǵyntaev «Almaty» TA-daǵy Akimat LIVE baǵdarlamasynyń tikeleı efıri barysynda jańa oqý jylynyń bastalýy jáne koronavırýstyq pandemıa jaǵdaıynda oqý prosesin uıymdastyrý týraly aıtty, dep habarlaıdy Almaty-akshamy.kz.
Bıylǵy oqý jylynda mektepterge 301 171 oqýshy bardy. Memlekettik mektepterde 280 458 balalar men jasóspirimder bilim alýda, al jekemenshik mektepterdegi oqýshy sany – 20 713. Memlekettik mektepterde birinshi synyp oqýshylarynyń sany 3 myńǵa jýyq ósti. 1-synypta 30 751 oqýshy bilim alýda.
Oqýshylardyń densaýlyǵyn saqtaý jáne qaýipsiz jaǵdaı jasaý maqsatynda oqý prosesi bir mezgilde úsh baǵytta quryldy. Birinshiden, offlaın oqytýda synyptardaǵy oqýshy sany 25 oqýshyǵa deıin bolýy tıis. Bul talap oryndalýda. Búginde 45 memlekettik mektepte 104 246 oqýshy nemese olardyń 37%-y dástúrli formatta oqýda. 71 jekemenshik mektepterde 20 650 oqýshy offlaın oqýda, ıaǵnı 99%-dan asady.
Ekinshiden, oqytý aralas júrgizilýde, ıaǵnı negizgi pánder mektepte, qalǵandary qashyqtan oqytylady. Búginde oqytýdyń osy formatymen162 memlekettik mekteptiń 154 424 oqýshysy nemese 55%-y qamtylǵan.
Úshinshiden, 21 788 oqýshy onlaın formatta oqıdy, bul 8%-dy quraıdy. Oqytýdyń bul formasymen negizinen ınfeksıamen aýyrǵan balalar, naýqastarmen baılanysta bolǵandar, aýrýǵa shaldyǵý qaýpi bar balalar, sondaı-aq ata-analary mektep ákimshiligine qashyqtyqtan oqytý týraly jazbasha ótinish bergen balalardy qamtylǵan.
Oqý júktemesine jáne oqýshylardyń kontıngentine baılanysty ata-analarmen kelise otyryp, mektepterde 5 jáne 6 kúndik oqytý uıymdastyrylǵan.
Qoǵamdyq densaýlyq basqarmasy jáne sanıtarlyq-epıdemıologıalyq baqylaý departamenti birlesip, mektepterdegi jaǵdaıǵa kúndelikti monıtorıń júrgizedi. B. Saǵyntaev dertti balalarǵa juqtyrmaý úshin, ata-analardyń barynsha saq bolýlary tıis ekenin atap ótti. Ol úshin jaýapkershilikti jete seziný jáne vaksınalaný qajet.