Qala kúni qarsańynda turǵyndardy yntalandyrý maqsatynda «Aýla aýmaǵyn eń úzdik kógaldandyrý - 2021» baıqaýy jarıalandy.
Megapolıs ákimi Baqytjan Saǵyntaev «Almaty» TA-synda Akimat Live baǵdarlamasynyń tikeleı efırinde baıqaýdyń alǵashqy bes kúninde 100 ótinim túskenin aıtty, dep habarlaıdy Almaty-akshamy.kz
Baqytjan Saǵyntaev úı mańyndaǵy aýlalardy abattandyrý boıynsha jumysqa qalalyqtardyń qatysýy qatysýynyń mańyzdy ekenin atap ótti. Qala kúni qarsańynda turǵyndardy yntalandyrý maqsatynda «Aýla aýmaǵyn eń úzdik kógaldandyrý - 2021» baıqaýy jarıalandy. Bul turǵyn alaptar arasynda jasyl aımaqtar qurýǵa, aýla men landshaft dızaınynda ozyq tájirıbeni nasıhattaýǵa, ınovasıalyq tásilder men ıdeıalardy qoldana otyryp, baý-baqshalardy damytýǵa yqpal etedi.
Baıqaýdyń maqsaty – barynsha abattandyrylǵan jáne kógaldandyrylǵan aýla men turǵyn úılerge irgeles aýmaqty anyqtaý, turǵyndardyń aýlada jáne irgeles aýmaqtardy abattandyrý men kógaldandyrý tájirıbesin nasıhattaý, turǵyndardy abattandyrý men kógaldandyrýǵa keńinen tartý.
Ótinimder 3 qyrkúıekten bastap qabyldanady, qatysýshylardy marapattaý 19 qyrkúıekke - Qala kúnine josparlanǵan. Gran-prı – 5 mıllıondyq sertıfıkat, oǵan aýlany abattandyrýǵa arnalǵan qural-jabdyqtardy, ósimdikterdi satyp alýǵa bolady. 8 aýdannyń árqaısysy boıynsha birinshi orynǵa – 1 mln teńge, ekinshisine – 500 myń teńge, úshinshi orynǵa baý-baqshaǵa qajet zattar beriledi. 7 qyrkúıektegi jaǵdaı boıynsha, baıqaýǵa qatysýǵa 100-den astam ótinim tústi.
Aýdandar arasyndaǵy alǵashqy úsh oryn saıt boıynsha daýys berý arqyly anyqtalady. Qalanyń ár aýdanynan eń kóp onlaın daýys jınaǵan qatysýshylar birinshi oryndardy, daýys sany boıynsha ekinshi jáne úshinshi oryndardy alady.