14-15 qyrkúıek aralyǵynda Qala kúni merekesi aıasynda Almaty qalasynyń Týrızm basqarmasy, Almaty halyqaralyq áýejaıy jáne QR UQK Almaty qalasy Shekaralyq baqylaý basqarmasymen birlese otyryp, «Almatynyń sımvoly – syılyqqa» atty aksıa ótkizedi, dep habarlaıdy aqshamnews.kz
Pasporttyq baqylaý aımaǵynda halyqaralyq reısterdiń jolaýshylaryna Almatynyń jylýy men qonaqjaılyǵyn bildiretin «aport» surypty almalar usynylady. Aksıa aıasynda shamamen 10 myń jolaýshy men 50-den astam reıs qamtylady.
Qalalyq týrızm basqarmasynyń ókilderi atap ótkendeı, osyndaı aksıalar týrıser úshin erekshe atmosfera qalyptastyrýǵa, olardyń kelý sátinen bastap Almatynyń biregeıligi men qonaqjaılyǵyn kórsetýge kómektesedi.
2024 jyldyń 1-toqsanynda týrıserdiń jalpy sany 4,6%-ǵa artyp, 473,3 myńnan asty. (2023 jyldyń 1-toqsany – 452,1 myń adam). Sheteldik týrıser sany 3,4%-ǵa ósip, 122,8 myń adamdy qurady (2023 jyldyń 1-toqsany – 118,7 myń adam).
Qazirgi ýaqytta Almaty 50 baǵytta tikeleı áýe reısterimen baılanysqan jáne 82 eldiń azamattary úshin vızasyz rejım usynady, bul týrısik aǵynnyń ósýine eleýli yqpalyn tıgizip, qalany sheteldik qonaqtar úshin qoljetimdirek etpek.