Májilis oqýshylar qandaı jaǵdaıda smartfondy paıdalana almaıtynyn túsindirdi.
Qazaqstanda mektep oqýshylaryna sabaqta telefondy paıdalanýǵa tyıym salý zańnamamen bekitiledi. Tıisti norma Májilis qabyldap, Senatqa joldaǵan bilim týraly zańda qarastyrylǵan, dep habarlaıdy almaty-akshamy.kz.
Zańdy qaraý barysynda depýtat Asqat Aımaǵambetov muǵalimderdi tolǵandyrǵan máselelerdiń biri – oqýshylardyń sabaq kezinde telefon paıdalanýyna zańnamada naqty shekteýlerdiń joqtyǵy ekenin aıtty. Osyǵan baılanysty zańda sabaq kezinde telefondy paıdalanýdy shekteıtin norma qarastyrylǵan.
Depýtat Ardaq Nazarov mektep oqýshylary smartfondardy qandaı jaǵdaıda jáne qandaı maqsatta paıdalana alatynyn surady. Májilismen gadjetter saqtalatyn oqý oryndarynda arnaıy jáshikter ornatyla ma, joq pa – sony túsindirdi.
"Bul másele kópten beri talqylanyp keledi. Norma tek sabaq kezindegi shekteýlerge qatysty, al bala uıaly telefonyn mektepke ákelip, úzilis kezinde paıdalana alady. Osyǵan baılanysty eshqandaı shekteýler joq. Sabaq kezinde bala tek oqýy kerek, ıaǵnı qandaıda bir áleýmettik jelilerdi paıdalanbaýy kerek. Qazir bizde zamanaýı mamandar kóp, túrli qosymshalardy qoldanatyn muǵalimder kóp. Muǵalimder áldebir ınovasıalyq ádisterdi qoldaný úshin uıaly telefondy paıdalana alady", – dep jaýap berdi Asqat Aımaǵambetov.
Onyń aıtýynsha, depýtattar telefondardy saqtaıtyn jeke uıashyqtar ornalastyrýdy qarastyrmaıdy.
Al Oqý-aǵartý vıse-mınıstri Edil Ospan vedomstvonyń №70 buıryǵynda oqýshylardyń zattaryn, onyń ishinde telefondardy saqtaýǵa arnalǵan arnaıy jáshikterdi paıdalaný qarastyrylǵanyn túsindirdi. Degenmen, ol sıfrlandyrý zamanynda memlekettiń balalardyń aqparat izdeý úshin gadjetterdi paıdalanýyna kedergi bolmaýy kerektigin de aıtty.