Májilis depýtaty Ermurat Bapı 2030 jyly soǵys bolýy múmkin dep málimdeme jasady, dep habarlaıdy aqshamnews.kz.
Buǵan deıin respýblıkalyq búdjettiń boljamyn tanystyrǵan qarjy vıse-mınıstri Abzal Beısenbekuly 2025 jylǵa arnalǵan kúsh qurylymdarynyń shyǵystary 109 mlrd teńgege ulǵaıyp, 2,7 trln. teńge kóleminde josparlanyp otyrǵanyn aıtqan edi.«Tapshylyq! Kepken týlaq sıaqty dúnıe ǵoı. Eshkiniń kepken terisi sıaqty, bylaı tartsań, bylaı jetpeıdi, bylaı tartsań, bylaı jetpeıdi. Eki jaqqa tartsań jyrtylyp, aıyrylyp ketýi múmkin. Degenmen, eger biz geosaıası táýekelderdi esepke alsaq, osy tapshylyqtyń bári túkke turmaı qalady. Sondyqtan, men Ulttyq ekonomıka mınıstrliginen suraıyn degenim – qorǵanys salasyna bólingen soma týraly. Jalpy ishki ónimniń qansha bóligin qorǵanys mınıstrligine bólip otyrsyzdar? - dep surady Bapı.
«Bıyl búdjettiń 0,8 paıyzy, kelesi 0,4 paıyzy bólinedi deısiz. Qarjylandyrýdyń túri osy ma? Bizdiń mamandardyń boljamy boıynsha 2030 jyly soǵys bolady. Sondaı táýekel bar. Osyndaı jaǵdaıda bizdiń qorǵanys salasyna nebary 0,4 paıyz bólý degenimizdi qalaı túsinemiz? Kelisip alǵansyzdar ma? Qaıdan shyqqan esep bul? Biz bul máseleni jaıyna qaldyrmaımyz», - deıdi Ermurat Bapı.