Densaýlyq saqtaý mınıstrligi Qoǵamdyq keńesiniń kezekti otyrysynda Mindetti áleýmettik saqtandyrý qorynyń (MÁSQ) osy jyldyń segiz aıyndaǵy qyzmeti týraly esebi tyńdaldy.
Otyrysqa densaýlyq saqtaý mınıstri Aqmaral Álnazarova, Qoǵamdyq keńes tóraǵasy Nadejda Petýhova, sonymen qatar keńes músheleri, mınıstrliktiń qurylymdyq bólimsheleri men vedimistik baǵynysty uıymdarynyń basshylary qatysty, dep habarlaıdy aqshamnews.kz Densaýlyq saqtaý mınıstrligine silteme jasap.
Otyrys sheńberinde sıtýasıalyq-taldaý ortalyǵy (STO) men Saqtandyru aqparattyq júıesiniń jumysy jarıa etildi.
Qordyń basqarma tóraǵasy Ábilqaıyr Sqaqov óz esebinde medısınalyq qyzmetterdi satyp alý prosesterin avtomattandyrý nátıjeleri jáne medısınalyq qyzmetke tarıfterdi qaıta qaraý týraly baıandady. Bes baǵyt boıynsha jańa tarıfter kúshine endi, al toǵyz qosymsha baǵyt boıynsha qaıta qaraý qyrkúıek aıynda bitedi, dedi qor basshysy.
Mınıstr medısınalyq qyzmetterge tarıfti jetildirý jáne qarjylandyrýdy ońtaılandyrý boıynsha mindetterdi únemi qadaǵalaýda ustaýdy tapsyrdy jáne densaýlyq saqtaý júıesin basqarý úshin aldaǵy ýaqytta sıfrlyq quraldardy damytý, medısınalyq uıymdarda der kezinde tólem jasaý mańyzdylyǵyn atap ótti. Mınıstr sonymen qatar mindetti áleýmettik medısınalyq saqtandyrý júıesin (MÁMS) jetildirý boıynsha úılestirý keńesin qurý jaıyn málimdedi.
Qoǵamdyq keńes tóraǵasy Nadejda Petýhova azamattardyń óz densaýlyǵy úshin ortaq jaýapkershilik alý mańyzdylyǵyn aıta kele saqtandyrylmaǵan azamattarmen belsendi jumys júrgizýge nazar aýdartty.
Otyrysqa qatysýshylar medısınalyq qyzmetterdiń sapasyn qadaǵalaý men qarjylandyrý, sıfrlandyrýdy jaqsartýǵa erekshe kóńil bóle kele, Memleket basshysy qoıǵan maqsattarǵa qol jetkizý úshin kúsh biriktirýge daıyn ekenin jetkizdi.