«Bank SentrKredıt» AQ Almatynyń «Aqbulaq» yqshamaýdanyndaǵy qaıǵyly oqıǵaǵa qatysty pikir bildirdi, dep habarlaıdy almaty-akshamy.kz banktiń baspasóz qyzmetine silteme jasap.
«2011 jylǵy shildede «Nano Plús» JSHS qaryz alýshysyna negizgi borysh pen paıyzdar boıynsha tólemdi 6 aıǵa keıinge qaldyra otyryp, jalpy somasy 102 000 000 teńgege eki qaryz berilgen.
Sharttar boıynsha mindettemelerdi oryndaýdy qamtamasyz etý retinde kepil sharttary jasaldy, onda kepilmen qamtamasyz etý retinde turǵyn emes úı-jaı, jer ýchaskesi, sondaı-aq Almaty qalasy, Alataý aýdany, «Aqbulaq» shaǵynaýdany, Syzdyqov kóshesi, 29 úı mekenjaıy boıynsha ornalasqan turǵyn úı qabyldandy.
07.03.2012 j. zaem alýshyǵa úsh aı merzimge qosymsha shegerim berilgen. 20.08.2012 j. bastap zaem alýshy óz mindettemelerin esh oryndamastan kredıtin tóleýdi keshiktire bastady. Kelisimsharttaǵy mindettemelerin oryndamaýyna baılanysty 17.04.2013 j. boryshty sot tártibimen óndirý týraly sheshim qabyldanyp, sol sátten bastap bank atalǵan nesıe boıynsha paıyz esepteýdi toqtatty», - delingen habarlamada.
Bank Almaty qalasy Almaly aýdanynyń №2 aýdandyq sotyna qaryz alýshy men kepilgerlerden bereshekti óndirip alý týraly talap aryz bergen.
«Qazaqstan Respýblıkasynyń «Atqarýshylyq is júrgizý jáne sot oryndaýshylarynyń mártebesi týraly» zańynyń 74-baby 2-tarmaǵyna sáıkes: «Boryshker sot oryndaýshysy múlikke tyıym salýdy qoldanǵannan jáne baǵalaý júrgizgennen keıin jáne múlik alyp qoıylǵanǵa nemese ótkizilgenge deıin sot oryndaýshysynyń jazbasha ruqsatymen jáne ol belgilegen merzimde tyıym salynǵan múlikti baǵalaý qunynan tómen bolmaıtyn qun boıynsha ótkizýge quqyly». Boryshker de, kepilger de bul quqyqtaryn paıdalanbady»,- dep atap ótti banktiń baspasóz qyzmeti.
Qazaqstan Respýblıkasynyń «Atqarýshylyq is júrgizý týraly» zańynyń 80-baby 3-tarmaǵyna sáıkes: Elektrondyq aýksıon boryshkerdiń múlkin ótkizýge berý týraly qaýlyda kórsetilgen baǵalaý qunynan belgilengen qadammen múliktiń qunyn kóterýmen bastalady.
Eger elektrondyq aýksıonǵa qatysýshylardyń eshbiri saýda-sattyqtyń aldyn ala belgilengen qadamyn qoldaı otyryp múlik qunyn arttyrmaǵan jaǵdaıda, elektrondyq aýksıon qundy tómendetýge aýysýmen jalǵasady.
Bul rette, ótkiziletin múliktiń bastapqy baǵasy qatysýshylardyń biri jarıalanǵan baǵa boıynsha múlikti satyp alýǵa kelisken kezge deıin belgilengen qadammen tómendetiledi, bul baǵa elektrondyq aýksıonǵa qoıylǵan múlik qunynyń bastapqy baǵasynyń elý paıyzynan tómen bolmaýǵa tıis.
Banktiń baspasóz qyzmetiniń málimetinshe, 2018 jyldyń 22 qańtarynda Almaty qalasy Alataý aýdandyq sotynyń syrttaı sheshimimen kepilgerdiń kepil retinde salǵan tıesili turǵyn úıi óndirýge joldanǵan.
2018 jyldyń 16 tamyzynda turǵyn úı túrinde kepilge qoıylǵan múlikke elektron sot aýksıondary ótkizilipti. Elektron aýksıon nátıjeleri týraly hattama boıynsha N.S.Turǵanov jeńimpaz dep tanylǵan. 23.08.2018 jyly jeke sot oryndaýshysy men N.S.Turǵanov arasynda satý-satyp alý kelisimsharty jasalǵan.
26.12.2018 jyly Almaty qalasy Alataý aýdandyq sotynyń uıǵarymymen Almaty qalasy Alataý aýdandyq sotynyń 22.01.2018 jylǵy turǵyn úı túrindegi kepil múlkin óndirip alýǵa júginý týraly syrttaı sheshiminiń kúshi joıyldy.
Almaty qalalyq sotynyń apelásıalyq sot alqasynyń 27.11.2019 jylǵy qaýlysymen, bastapqy satý quny 29 417 000 teńge mólsherinde satý kezinde turǵyn úı túrindegi kepildik múlikten óndirip alýdy qoldaný týraly banktiń talap-aryzyn qanaǵattandyrý týraly sheshim shyǵaryldy.
QR Joǵarǵy Sotynyń azamattyq ister jónindegi sot alqasynyń 27.07.2020 jylǵy qaýlysymen Almaty qalalyq sotynyń azamattyq ister jónindegi sot alqasynyń 27.11.2019 jylǵy qaýlysyn QR QK azamattyq ister jónindegi sot alqasynyń sot otyrysynda qaraý úshin qaıta qaraý týraly A.P.Demırchán, I.I.Dýjnova shaǵymyn qaraýdan bas tartyldy. Osylaısha, turǵyn úı N.S.Turǵanovtyń menshiginde qaldy (buryn alǵashqy sot saýdasynda satyp alynǵan).
Úıden shyǵarý jeke tulǵanyń (satyp alýshynyń) paıdasyna sot aktisi negizinde júzege asyryldy, osylaısha azamattar arasyndaǵy kóshirý isi quqyqtyq qatynastary qaıǵyly jaǵdaıǵa ulasqan. Bank turǵyn úıdi satýdy da, keıinnen shyǵarýdy da júrgizgen joq.
«Banktiń kepilinde turǵan turǵyn emes úı-jaıǵa qatysty 07.03.2017 jylǵy áleýetti satyp alýshylar bolmaýyna baılanysty ol boıynsha alǵashqy elektron sot saýdasy bolǵan joq. 18.04.2017 jylǵy qaıtalama elektron sot saýdasy ótkizildi. Satyp alýshylardyń bolmaýyna baılanysty jáne júrgizilgen sot saýda-sattyǵynyń nátıjeleri boıynsha joǵaryda kórsetilgen múlik aýksıon sheńberinde tómendetiletin saýda-sattyqtan keıin 96 008 120 teńge somasyna banktiń menshigine ótti. 24.04.2017 jyly bank pen JSO (jeke sot oryndaýshysy) arasynda turǵyn emes úı-jaılardy satyp alý-satý sharty jasaldy.Uzaq ýaqyt boıy bank turǵyn emes úı-jaıǵa menshik quqyǵyn tirkeı almaǵan, óıtkeni burynǵy menshik ıesi jerge ornalastyrý jobasy boıynsha jumystardy júrgizý jáne tehnıkalyq pasport daıyndaý úshin jer komıteti men bank qyzmetkerlerine ruqsat bermegen. İs júzinde bank menshik quqyǵyn 2021 jyldyń mamyrynda tirkepti. Tıisinshe, 2017 jyldan bastap qazirgi ýaqytqa deıin bank turǵyn emes múlikke menshik etpeıdi jáne 2021 jylǵy shildede Almaty qalasy Bostandyq aýdandyq sotyna turǵyn emes úı-jaıdy jer ýchaskesimen paıdalanýdaǵy kedergilerdi joıýǵa májbúrleý týraly talap-aryz bergen», - dep atap ótti banktiń baspasóz qyzmeti.
Bank osy oqıǵany tergeýge belsendi qatysatyndaryn málim etti. «İs boıynsha barlyq qajetti qujatty usynamyz jáne zardap shekkenderdiń týystaryna jan-jaqty kómek kórsetemiz», - dep túıindedi baspasóz qyzmeti.