Áıgili fýtbol juldyzy!
Álemde óz kúshimen bıik belesti baǵyndyrǵandar az emes. Mundaı jandar óziniń aıqyn maqsaty arqyly kópshilikke ózderin dáleldeıdi. Dúnıe qyzyqqa toly. Ony qyzyq etetin de adam. Sondaı jannyń biri - argentınalyq Maradona. Bul joly dúnıe júzine ataǵy shyqqan dańqty fýtbolshy jaıly syr shertemiz.
- Dıego Maradona óte kedeı otbasynda dúnıege keldi. Ol januıada besinshi perzent bolyp týyldy. Ata-anasy qarapaıym sharýa adamdary boldy. Birde oǵan jıen aǵasy dop tartý etti. Naq sol kezde onyń jasy 7-de bolatyn. Mine, sol kezden bastap, qaıda júrse de dopty janynan tastamady. Tipti jatarda da qushaǵynda ustady.
- Maradona oınaǵan komanda ózderin bıik sezinetin. Ol sol kezdegi kúsh-qýatymen qazirgi zamannyń fýtbolyna ákelse de, basqalarǵa des bermeıtin edi. Maradona óziniń keremet drıblıngimen, sondaı alasa boıymen ózin alańda erkin sezinetin, qarsylastary qansha qulatqysy kelse de, óziniń shynyqqan denesimen basyp ótip ketetin. Maradona asa myqty bombardır emes, biraq onyń ár salǵan goly mańyzdy jáne oıyndy sheship otyrǵan.
- Nebári 10 jasynda Argentınanyń «Los Sebollıtos» dep atalatyn balalar klýbyna múshelikke ótedi. Dıego fýtbol koroli Pele sekildi alańǵa yrymdap 10 nómirli fýtbolkamen shyqty. Sporttyń osy salasyna qumartqandyǵy sonshalyq, 14 jasynda oqýyn jalǵastyrýdan bas tartyp, ýaqytynyń barlyǵyn fýtbolǵa bóldi.
- 1986 jylǵy Meksıkadaǵy jarysta Argentınanyń jeńisi Dıego Maradonanyń esimimen tikeleı qatysty. «Bir ǵana akterdiń teatry» atalyp ketken chempıonatta Maradonanyń quramasyna tıgizgen paıdasy ushan-teńiz. Jeti machta qarsylastarynyń qaqpasyna bes dop saldy. Osylaısha, qubylys jasady deýge bolady.
- Áıgili fýtbolshy - aty ańyzǵa aınalǵan tulǵa. Onyń qatysqan machtary qyzyq bolǵandyǵy sonshalyq, tipti jankúıerlerdiń bir-birimen tóbelesine alyp keletin. Sondaı-aq, «Altyn doptyń tuńǵysh ıesi» atandy. Sóıtip, «San Dıego» degen laqap atty ıelendi, maǵynasy - áýlıe Dıego. Búgingi kúnge deıin kúlli álemniń aldynda súıikti fýtbolshy ataǵymen tarıhta qaldy.