What‘s App messendjerinde balalarǵa arnalǵan juqpaly aýrýlar bólimshelerinde tósek-oryndar daıyn ekendigi týraly aýdıo habarlama taratylýda, dep habarlaıdy almaty-akshamy.kz Stopfake.kz saıtyna silteme jasap.
Avtordyń aıtýynsha, olar mektepterde vaksına shashqannan keıin qajet bolady, balalar jappaı aýyryp, óle bastaıdy. Bul feık. Bul aqparatty Sanıtarlyq-epıdemıologıalyq baqylaý komıteti joqqa shyǵardy.
– Balalarǵa arnalǵan qosymsha ınfeksıalyq tósek-oryndar daıyndaý týraly aqparat shyndyqqa janaspaıdy. Búgingi tańda, kerisinshe, KVI juqtyrý jaǵdaılarynyń tómendeýine baılanysty juqpaly aýrýlar stasıonarlary jabylýda. Sondaı-aq, bólmede búrký arqyly qoldanylatyn vaksına joq, – dedi vedomstvonyń resmı ókili Erjan Baıtanaev.
Bul ata-analar arasynda dúrbeleń týǵyzǵan dybystyq habarlamalar buǵan deıin de taraǵan bolatyn.
– Biz Taraz jáne Shymkent qalalarynda balalardy belgisiz baǵytta evakýasıalap, aýyzyna tamyzý arqyly egetini týraly feıkti joqqa shyǵardyq, - delingen habarlamada.