Atyraý qalasynyń turǵyny Batýmı qalasynda ádepsiz qylyq jasady. Qazaqstandyq týrıs áıgili botanıkalyq baqqa barǵan kezde sırek kezdesetin bambýk ósimdigine zaqym keltirgen, dep habarlaıdy aqshamnews.kz.
Týrıs áıel baqtaǵy ósimdiktiń sabaǵyna «ózin estelik retinde qaldyrýdy» oılap, ǵashyqtardyń esimderin oıyp jazyp ketken. Bul áreket baqqa kelýshilerdiń narazylyǵyn týdyrdy.
«Men eskertý jasadym, biraq kórip otyrǵandaryńyzdaı, qyz esh alańdamaı, áreketin jalǵastyryp jatyr», — dep jazdy oqıǵanyń kýágeri bolǵan grýzın turǵyny áleýmettik jelide.
Týrıs áıeldiń bul áreketine baq ákimshiligi de renish bildirdi. Ákimshilik Batýmıdegi botanıkalyq baqtyń tek tanymal týrısik oryn ǵana emes, sırek kezdesetin ósimdikterdi saqtaý orny ekenin eske saldy.
Kerek derek
Batýmıdegi botanıkalyq baq álemdegi eń iri baqtardyń biri bolyp tabylady (aýdany 100 gektardan asady) jáne munda ósimdikterdiń erekshe túrleriniń biregeı koleksıalary bar.