Qazaqstan Respýblıkasy Mádenıet jáne aqparat mınıstrligi, Din isteri komıtetiniń qoldaýymen 16-20 qyrkúıek aralyǵynda Respýblıkalyq aqparattyq-túsindirý toby Almaty qalasyna is-sapar jasady, dep habarlaıdy aqshamnews.kz
Bul is-sapardyń basty maqsaty – halyqtyń dintaný salasyndaǵy saýattylyǵyn arttyrý, memleket ustanyp otyrǵan din saıasatyn túsindirý jáne qoǵamda jalǵan dinı ıdeıalardyń taralýynyń aldyn alý men dinı ekstremızmdi boldyrmaý.
Dinı ekstremızm – bul dinı kózqarastardy radıkaldy túrde nasıhattap, qoǵamnyń turaqtylyǵyna jáne qaýipsizdigine qaýip tóndiretin is-áreket. Dinı ekstremıster kóbinese zorlyq-zombylyqty, qaqtyǵystardy jáne memleketke qarsy áreketterdi qoldaıdy. Olar ózderiniń dinı ıdeıalaryn absolútti shyndyq retinde qabyldap, qoǵamdy osy ıdeıalar negizinde qaıta qurýǵa tyrysady. Dinı ekstremızm ásirese jastar arasynda keń taralýy múmkin, óıtkeni olar álsiz, emosıaǵa beıim top bolyp tabylady.
Terorızm – bul ekstremıstik toptardyń zorlyq-zombylyq jáne qorqytý ádisterin qoldaný arqyly saıası, áleýmettik nemese dinı maqsattarǵa jetý ádisi. Terorıstik áreketter qoǵamdaǵy úreı týdyrýdy jáne memlekettik qurylymdardy buzýdy kózdeıdi. Terorızmdi dinı ekstremıstik toptar jıi qoldanady, olar ózderiniń ıdeıalaryn kúshtep endirýdi maqsat tutady.
İs-sapar barysynda jalpy sany 20 is-shara uıymdastyrylyp, 1000-nan astam adam qamtyldy. İs-sharaǵa qatysýshylar dinı ekstremızm men terorızmniń qoǵamǵa zıanyn túsindirip, jastardy osy ıdeıalardan qorǵaý, dinı saýattylyqty arttyrý jáne halyq arasynda durys aqparat taratý maqsatynda jumys júrgizdi.
İs-sharaǵa Berikbaev Elnar Ǵalymjanuly – QR Prezıdenti janyndaǵy jastar keńesiniń múshesi, Ál-Farabı atyndaǵy QazUÝ aǵa oqytýshysy, dintanýshy, PhD doktory, Álip Tursynǵalı Tóreǵalıuly – Respýblıkalyq aqparattyq-túsindirý tobynyń múshesi, áleýmettik ǵylymdar magıstri, dintanýshy, Sarsembaev Rýslan Meırjanovıch – Ál-Farabı atyndaǵy QazUÝ aǵa oqytýshysy, dintanýshy jáne t.b. mamandar qatysyp óz tájirıbelerimen bólisti.
İs-shara «Jaýhar» qoǵamdyq qorynyń uıymdastyrýymen júzege asyryldy.