Jaz – ár balanyń asyǵa kútetin mezgili. Al jazǵy demalysty mazmundy da qýanyshqa toly etip uıymdastyrý – árbir ustaz ben tárbıeshiniń mindeti. 167 jalpy bilim beretin mektep janyndaǵy «Baldáýren» jazǵy demalys lageri – osy mindetti abyroımen atqarǵan jarqyn jobaǵa aınaldy.
2025 jyldyń 26 mamyry kúni saltanatty túrde ashylǵan «Baldáýren» lageriniń alǵashqy kúni erekshe kóńil-kúımen bastaldy. Túrli-tústi sharlarmen bezendirilgen alań, balalardyń shattyqqa toly júzderi, kóterińki kóńil-kúı – barlyǵy jazǵy maýsymnyń jarqyn bastalǵanynyń dáleli boldy.
Lager jumysy ár kún saıyn qyzyqty sharalarmen órbidi.
27 mamyrda balalar qalamyzdaǵy Botanıkalyq baqqa saıahat jasap, tabıǵat aıasynda serýendep, ósimdikter álemimen tanysty.
28 mamyrda mektep alańynda uıymdastyrylǵan sporttyq estafeta balalardy uıymshyldyqqa, salaýatty ómir saltyna tárbıeledi.
29 mamyrda Disney stýdıasynyń “Raııa jáne sońǵy aıdahar” múltfılmin tamashalaý arqyly dostyq, senim, batyldyq sıaqty qundylyqtarǵa baýlyndy.
30 mamyrda balalar 28 panfılovshy-batyrǵa arnalǵan saıabaqqa baryp, patrıottyq rýhty boılaryna sińirip qaıtty. Olar saıabaqta pıknık uıymdastyryp, batyrlardyń erligin eske aldy.
Maýsym aıynda erekshe áserge toly kúnder jalǵasyn tapty:
2 maýsymda «Maksıma» saýda ortalyǵyndaǵy «Naslednıkı» oıyn-saýyq kesheninde balalar erkin oınap, ózderin ertegi áleminde júrgendeı sezindi.
4 maýsymda «Almaty memlekettik qýyrshaq teatryna» barý – balalardyń ónerge degen qyzyǵýshylyǵyn oıatty. «Qýyrshaq dýman» qoıylymy olardyń júreginen erekshe oryn aldy.
5 maýsymda «Moskva» kınoteatrynda «Lılo men Stıch» múltfılmin kórgen balalardyń emosıalary men qýanyshy sheksiz boldy.
Barlyq kúnderi balalar mektep asqanasynan ystyq tamaqpen qamtamasyz etilip, kún sońynda dástúrli balmuzdaqpen qýantylyp otyrdy. Bul – lager uıymdastyrýshylarynyń balalardyń tek rýhanı emes, fızıkalyq saýlyǵyn da oılaǵanynyń kórinisi.
Kóbikti kesh – «Baldáýrenniń» jarqyn núktesi
Lagerdiń jabylýyna oraı uıymdastyrylǵan kóbikti kesh (foam party) – balalardyń jazǵy maýsymda alǵan áserin eki ese kúsheıtti. Aq kóbikke shomylyp, shattyqqa toly mýzykamen bı bılegen balalardyń qýanyshty júzderi, kúmis kúlkisi jazǵy demalystyń eń jarqyn sáti boldy. Jabylý saltanaty – júrekke saqtalǵan estelik.
Bul lager – baqytty balalyq shaqtyń bir jarqyn beti bolyp qalǵandaı. Lagerdiń sońǵy kúni balalar shattyq pen dostyqqa toly «Baldáýrennen» alǵan erekshe áserlerimen bólisip, tapqan dostaryn qımaı qoshtasty. Keıbir balalar kózderine jas alyp, tárbıeshilerine alǵysyn aıtyp, taǵy kelgisi keletinin jasyrmady.
«Baldáýren» – jaı ǵana lager emes. Bul – baqytty balalyq shaqtyń bir beınesi, jańa dostyqtyń bastaýy, jarqyn estelikterdiń mekeni. Uıymdastyrýshylardyń jankeshti eńbegi men shyǵarmashylyq kózqarasy balalardyń jan dúnıesinde umytylmas iz qaldyrdy. Keler jazda «Baldáýren» balalyqtyń shattyǵyn taǵy da jalǵastyratynyna senim mol.