Eks-qorǵanys mınıstri Rýslan Jaqsylyqov óziniń ustalyp, ýaqytsha ustaý ızolátoryna qamalǵany týraly aqparatty joqqa shyǵardy, - dep habarlaıdy Aqshamnews.kz tilshisi.
BAQ-ta Qorǵanys mınıstrliginiń burynǵy basshysy Rýslan Jaqsylyqov ustalyp, ýaqytsha ustaý ızolátoryna qamalǵany týraly aqparat tarady. Jaqsylyqov bul aqparatty joqqa shyǵaryp, óz úıinde demalyp jatqanyn aıtty.
"Sandyraq. Eń aldymen resmı derekkózderge sený kerek. Men demalystamyn. Maǵan demalýǵa múmkindik berildi. Úsh jarym jyl boıy demalys almaı jumys istedim. Ózderińiz bilesizder, qyzmetimiz sondaı", — dedi Jaqsylyqov Tengrinews.kz redaksıasyna bergen jaýabynda.
Mınıstrdiń aıtýynsha, ol qazir Astanada otbasymen, áıeli men balalarynyń janynda. Ol úıiniń aýlasynda batýt ornatyp jatyr eken.
Sondaı-aq, Jaqsylyqov jalǵan aqparatty taratqandarǵa qatysty quqyq qorǵaý organdaryna júginetinin aıtty.
"Ar-namys pen qadir-qasıetimdi qaralaıtyn jalǵan aqparat taratqandardy jaýapkershilikke tartý úshin quqyq qorǵaý organdaryna júginýge májbúrmin", — dedi eks-mınıstr.
Eske salaıyq, 8 maýsymda Jaqsylyqov qyzmetinen bosatylǵan edi.
Rýslan Jaqsylyqov týraly ne belgili?
1966 jyly 4 naýryzda Almaty oblysy Qaskeleń qalasynda dúnıege kelgen.
I.S. Konev atyndaǵy Almaty joǵary jalpyáskerı komandalyq ýchılıshesi (1987 jyl).
M.V. Frýnze atyndaǵy Áskerı akademıa (1996 jyl).
Reseı Federasıasy QK Bas shtaby Áskerı akademıasynyń Joǵary akademıalyq kýrstary (2004 jyl).
Pedagogıka ǵylymdarynyń kandıdaty.
Áskerı ataǵy: general-polkovnık (2022 jyl).
Meńgergen tilderi: qazaq, orys.
Nagradalary: İ dárejeli Dańq ordeni, İİ dárejeli Dańq ordeni, Túrkıa Respýblıkasy Qarýly Kúshteriniń ordeni jáne Qazaqstan Respýblıkasy, KSRO jáne TMD medaldary.
Mansap
1987–1988 jj. – Orta Azıa áskerı okrýgy motoatqyshtar polki motoatqyshtar vzvodynyń komandıri.
1988–1989jj. – Orta Azıa áskerı okrýgy motoatqyshtar polki barlaý vzvodynyń komandıri.
1989–1992jj. – Túrkistan áskerı okrýgy motoatqyshtar polki barlaý rotasynyń komandıri.
1992–1993jj. – barlaý motoatqyshtar polkiniń bastyǵy.
1996j. – Qazaqstan Respýblıkasynyń Qarýly Kúshteri gvardıalyq oqý-jattyǵý ortalyǵynyń barlaý bastyǵy.
1996–1997jj. – Qazaqstan Respýblıkasy İİM ishki áskerler brıgadasynyń shtab bastyǵy.
1997–1998jj. – Qazaqstan Respýblıkasy İİM ishki áskerleriniń polk komandıri.
1998–2000jj. – Qazaqstan Respýblıkasy İİM ishki áskerleri jedel taǵaıyndaý polkiniń komandıri.
2000–2004jj. – Qazaqstan Respýblıkasy İİM ishki áskerlerdi jedel taǵaıyndaý brıgadasynyń komandıri.
2004–2006 jj. – Qazaqstan Respýblıkasy İİM ishki áskerler brıgadasynyń komandıri.
2006–2007 jj. – Qazaqstan Respýblıkasy İİM ishki áskerler qolbasshysynyń orynbasary.
2007–2008jj. – qolbasshysynyń birinshi orynbasary – Qazaqstan Respýblıkasy İİM ishki áskerler bas shtabynyń bastyǵy.
2008–2013 jj. – Qazaqstan Respýblıkasy İİM ishki áskerler qolbasshysy.
2013–2014 jj. – Qazaqstan Respýblıkasy İİM ishki áskerlerdiń bas qolbasshysy.
2014–2021 jj. – Qazaqstan Respýblıkasy Ulttyq ulanynyń bas qolbasshysy.
2021 jylǵy qyrkúıekten 2022 jyly qańtar aralyǵynda – İshki ister mınıstriniń orynbasary – Qazaqstan Respýblıkasy Ulttyq ulanynyń bas qolbasshysy.
2022 jylǵy 19 qańtardan – Qazaqstan Respýblıkasynyń Qorǵanys mınıstri.
Ókpeleseń kóship ket
Eske salaıyq, 2022 jyly Rýslan Jaqsylyqovtyń daý týǵyzǵan vıdeosy tarady. Onda bir adam eks-mınıstr vıdeo túsirip turǵan adamǵa "Jýrnalıser ókpeledi me?" deıdi. Vıdeo túsirip turǵan adam "Jýrnalıser emes, halyq sol vıdeony kórip, synap jatyr" deıdi. Oǵan Jaqsylyqov "Áá, qazaqtarda bir maqal bar. Ókpeleseń kóship ket" dep jaýap qatady.