Grafologıa — jazý ereksheligi arqyly adamnyń minezin, oılaý qabiletin, ishki dúnıesin tanýǵa tyrysatyn ǵylym. Ásirese bala jazýyna qarap, onyń keıbir qasıetteri jaıly alǵashqy áser alýǵa bolady.
BATYRYP JAZÝ
Qalamdy qatty basyp jazatyn bala — batyl, sheshimdi tez qabyldaıtyn, táýekelshil bolýy múmkin.
Al álsiz, kóriner-kórinbes jazý — uıań, ózine senimsiz, tuıyq minezdiń belgisi.
ÁRİPTERDİŃ KÓLEMİ
İri áripter — ashyq minezdi, kópshil, jańa tanystyqtan qoryqpaıtyn balaǵa tán.
Usaq áripter — tuıyq, jalǵyzdyqty unatatyn, ustamdy balaǵa tán.
ÁRİPTERDİŃ FORMASY
Dóńgelengen áripter — meıirimdi, jumsaq, kishipeıil minezdiń kórinisi.
Súıir, úshkir áripter — emosıasyn jasyratyn, ózimshil, tik minezdi bildirýi múmkin.
KALLIGRAFIA
Uqypty, taza jazý — tártipti, jınaqy balaǵa tán.
Túsiniksiz, beıbereket jazý — asa belsendi, energıasy kóp, keıde zeıin shoǵyrlandyrýy qıyn balaǵa tán bolýy múmkin.
BİRGE NEMESE BÓLEK?
Ár áripti bólek jazatyn bala — ıntýısıaǵa beıim.
Áripterdi jalǵaı jazatyndar — logıkaǵa súıenetin, júıeli oılaıtyndar.
PESIMIS NEMESE OPTIMIS?
Áripteri joǵary órleı jazylǵan bala — optımıs.
Tómen qaraı jazylsa — pesımısik kózqarasta bolýy múmkin.
Túzý jazý — shynaıy, realıs kózqarasty bildiredi.
QAǴAZDA KÓP ORYN QALDYRA MA?
Dápterdiń ár buryshyn tolyq paıdalanatyn bala — uqypty, jınaqy.
Joldar arasynda keńistik qaldyratyndar — erkin, ashyq minezdi bolady.
Jazýǵa qarap minezdi taný qyzyqty ári paıdaly. Biraq mundaı baqylaýdy balanyń kóńil kúıi jaqsy, densaýlyǵy qalypty kezde júrgizý kerek. Sharshaǵan nemese qarny ash bala qalamdy baspaı jazýy múmkin, bul nátıjege áser etedi.