Balalar kolonıasynda da sońǵy qońyraý soǵyldy
Almaty qalasynyń Qylmystyq-atqarý júıesi departamentine qarasty №11 mekemede ornalasqan №3 jalpy bilim beretin orta mektepti bıylǵy 2024-2025 oqý jylyn 66 oqýshy aıaqtady. Onyń ishinde 41-i – qazaq bóliminde, 25-i orys bóliminde oqydy.
Túzeý mekemesinde jazasyn ótep jatqan balalar aldaǵy ýaqytta qazaq tili men ádebıeti pánderi boıynsha, bilim alýshylardyń baǵdarlama mazmunyn meńgerýin baǵalaý retinde, aralyq atestattaýǵa qatysady. 8, 10-synyp oqýshylary synyptan synypqa kóshý emtıhandaryn, 9, 11-synyptar memlekettik emtıhandar tapsyrady.
Kolonıa ishinde ótken «Syńǵyrla, sońǵy qońyraý!» atty merekelik is-sharada balalar ózderine bilim bergen ustazdaryna degen alǵysyn án-jyrmen jetkizdi.