Prezıdent Bala qūqyqtary jóníndegí uákíl Dınara Zákıevany qabyldady, dep habarlaıdy aqshamnews.kz
Zákıeva bıyl 13 óńírdegí jáne 73 eldí mekendegí ahualǵa monıtorıng júrgízílgenín, sonyń íshínde 272 mekemedegí balalarǵa jasyryn saualnama jasalǵanyn, 173 otbasynda tárbıeleníp jatqan jetkínshekterdíń jaǵdaıymen tanysqanyn aıtty. Tekserís qorytyndysy boıynsha bala qūqyqtaryn qorǵauǵa qatysty qabyldanǵan zań normalaryn būzǵan 171 derek anyqtalǵan.
Tūrmystyq zorlyq-zombylyqtyń aldyn alu men balalar qūqyǵyn qorǵau maqsatynda ashylǵan 112 otbasylyq qoldau ortalyǵynyń tıímdí jūmys ístep jatqany aıtyldy.
Oblys ákímdíkterí janynan bala qūqyqtaryn qorǵau jóníndegí basqarma qūru jūmystary qolǵa alyndy.
Qazírgí kezde «Qazaqstan halqyna» qory seríktesterímen bírge 49 ońaltu ortalyǵyn ashty.
Prezıdent jetkínshekterdí jan-jaqty qoldau tetígín qalyptastyru úshín jergílíktí atqarushy organdar men óńírlík uákílderdíń kúsh-jígerín jūmyldyru mańyzdy ekeníne nazar audardy;
mektepterdegí ınklyuzıvtí bílím beru ísín damytudy tapsyrdy.