Saılaý ýchaskesine kelý - bizdiń azamattyq boryshymyz.
Jetisý aýdanynyń turǵyndarymen kezdesken Almaty qalasynyń ákimi Erbolat Dosaev sóz sońynda halyqty referendýmǵa barýǵa shaqyrdy, dep habarlaıdy Almaty-akshamy.kz.
«Qurmetti almatylyqtar!
5 maýsymda Konstıtýsıaǵa túzetýler engizý boıynsha referendým ótetinin eske salǵym keledi. Bul qazirgi Ata zańymyzdy bekitken 1995 jyldan bergi alǵashqy referendým. Aldaǵy daýys berý – bul tarıhı oqıǵa. Saılaý ýchaskesine kelý - bizdiń azamattyq boryshymyz.
Bul nelikten mańyzdy?
Ult, memleket retinde bizdiń bolashaǵymyz Ata zańǵa táýeldi. Elderdiń basym kópshiligi Konstıtýsıasyz ómir súrmeıdi, onsyz memleket te, qoǵamnyń negizgi prınsıpteri de bolmaıdy.
5 maýsymda biz balalarymyzdyń bolashaǵy úshin daýys beremiz. Jáne de onyń qandaı bolatyny bizdiń tańdaýymyzǵa baılanysty bolmaq!» - dedi megapolıs basshysy Erbolat Dosaev.