Kardıologıa jáne ishki aýrýlar ǵylymı-zertteý ınstıtýtynda jas jigitke júrek transplantasıasy jasaldy.
Dárigerlerdiń aıtýynsha, Almatynyń 53 jastaǵy turǵyny tórt adamnyń ómirin aman alyp qaldy.
Ol ekinshi ret mıdyń ólimine ákep soqtyrǵan ıshemıalyq ınsýltqa shaldyqqan.
Donor Almatydaǵy № 4 aýrýhanada qaıtys bolǵan. Aǵzany alý sharalary atalǵan medısınalyq mekemede jasaldy.
«13 shilde kúni týystary marqumnyń aǵzasyn alýǵa kelisim berdi. Onyń júregi 23 jastaǵy jas jigittiń ómiri saqtap qaldy. Oǵan buǵan deıin eki ret ota jasalǵan. 2013 jyly júrek jetkiliksizdigi dıagnozy qoıyldy. Sodan beri onyń jaǵdaıy nasharlaı tústi. Jalǵyz jol- júrek aýystyrý boldy. Endi operasıadan soń pasıenttiń sapaly jáne uzaq ómir súrýine múmkindigi bar», - deıdi kardıohırýrgıa bólimshesiniń meńgerýshisi Rústem Tóleýtaev.
Kardıologıa jáne ishki aýrýlar ǴZI Basqarma tóraǵasy Marat Pashımovtyń aıtýynsha, kúrdeli operasıa 6 saǵatqa sozyldy.
Ota Ulttyq ǵylymı kardıohırýrgıalyq ortalyqpen birlesip, elimizdiń jetekshi kardıohırýrgy Iýrıı Pányń tikeleı basshylyǵymen jasaldy.
«Almatyda júrekti alǵashqy almastyrý Ulttyq ǵylymı kardıohırýrgıalyq ortalyq mamandarynyń qoldaýy men Kardıologıa jáne ishki aýrýlar ǴZI komandasynyń úılesimdi jumysynyń arqasynda múmkin boldy», - dedi ol.
Qazaq ulttyq medısına ýnıversıtetine rektory Marat Shoranovtyń sózinshe, qaıtys bolǵan áıeldiń júreginen basqa eki búıregi jáne baýyry da alynyp, kezekte turǵan naýqastarǵa transplantasıa jasalǵan.
«Qazir elimizde tórt myńǵa jýyq adam aǵza aýystyrý kezeginde tur. Onyń ishinde 147 naýqas júrek transplantasıasy boıynsha tizimge qoıylǵan»,-dedi Marat Shoranov.