Búgin «KVI juqtyrǵandar sanynyń ósýine baılanysty Almatydaǵy epıdemıologıalyq jaǵdaı» taqyrybyndaǵy onlaın baspasóz-konferensıasynda Almaty qalasy sanıtarıalyq-epıdemıologıalyq baqylaý departamentiniń basshysy Jandarbek Bekshın osylaı dedi.
Spıkerdiń aıtýynsha, indetke eń kóp shaldyǵatyndar, vırýs tasymaldaýshylar 20-39 jas aralyǵyndaǵy adamdar, dep habarlaıdy Almaty-akshamy.kz
«Apta saıyn analız jasap otyrmyz. Qazirgi indetke shaldyǵý kórsetkishin eseptesek, 36 % jumys istemeıtinder, AAQ, JSHS, JK qyzmetkerleri 19% , zeınetkerler 17 %, mektep oqýshylary 10 %, mektepke deıingi balalar 6% bolyp otyr. Balalar toptasyp oınaǵandy jaqsy kóredi ǵoı, sondyqtan sanıtarlyq sharalardy saqtamaǵan jaǵdaıda aýyryp qalý qaýpi bar. Men jyldyń basynda balalarǵa baǵyttalǵan shtamm paıda bolady dep aıtqanmyn, eskertýdi beker jasamaımyz, dál qazir sol kún keldi. 15-19 jas aralyǵyndaǵy adamdarda sımptomsyz ótip jatyr, sondyqtan olar aýyryp, ózderi bilmeı júrýi de múmkin», - dedi Jandarbek Bekshın.