Bul kórsetkishtiń 3 300-i Bostandyq aýdanyna tıesili bolyp tur.
Qala basshysynyń aıtýynsha, ázirge oryn tapshylyǵy azaımaıdy, biraq bul másele ázirlenip jatqan 2022-2024 jyldarǵa arnalǵan Almaty qalasyn damytý jospary arqyly sheshilýi múmkin, dep habarlaıdy Almaty-akshamy.kz
Búgingi tańda Almaty mektepterindegi oryn tapshylyǵy 19 myńnan asady (19 611 oryn), onyń 3 300-i - Bostandyq aýdanynda. Almaty balabaqshalaryna 1-6 jas aralyǵyndaǵy kezek 41 200 oryndy quraıdy, onyń 2400-i – Bostandyq aýdanynda.
Bul rette Bostandyq aýdanynda osy jyldyń 1 sáýirinde 60 mektep (34 memlekettik jáne 26 jeke menshik) jáne 75 balabaqsha (30 memlekettik jáne 45 jeke menshik) jumys isteıdi.
«Qazirgi tańda memlekettik jer qorynda áleýmettik ınfraqurylymdy, sondaı-aq demalý oryndary men qoǵamdyq keńistikterdi salý jáne keńeıtý úshin bos jer ýchaskeleri joq ekenin aıtýǵa májbúrmin. Osy jaǵdaıdy eskere otyryp, biz bul problemalardy tek qurylys salý nemese keńeıtý nemese ǵımarattar men jer ýchaskelerin jeke menshik ıelerinen satyp alý arqyly sheshetin bolamyz», - dedi Dosaev.
Ol úshin ákimdik qazirgi 1 320 oryndy mektepterge 5 qosymsha qurylys salýda, sonyń ishinde kúntizbelik jyldyń sońyna deıin 1020 oryndyq 4 japsarjaı (№125,146, 191 mektepter jáne №9 arnaýly ınternat) paıdalanýǵa beriledi. № 65 mektepke 300 oryndy 1 japsarjaı 2023 jyldyń 3-shi toqsanynda beriledi.
Sondaı-aq, biz qazir jeke menshik kolejge tıesili №94 mektep ǵımaratynyń bir bóligin satyp alýymyz qajet, bul qosymsha 600 oqýshy ornyn qamtamasyz etedi.
Bul rette aýdanda oqý jylynyń basynda jańadan mektepke keletin oqýshy sany shamaman 1000 balany quraıtynyn eskerý qajet.
«Ázirge oryn tapshylyǵy azaımaıdy, biraq bul máseleni ázirlenip jatqan 2022-2024 jyldarǵa arnalǵan Almaty qalasyn damytý jospary arqyly sheshýge kúsh-jigerimizdi salamyz», - dedi qala ákimi.