Bıylǵy oqý jylynda birinshi synypqa barýǵa ótinish bildirgenderdiń sany 180 myńnan asty, dep habarlaıdy Almaty-akshamy.kz.
Bul týraly Bilim jáne ǵylym mınıstrliginiń áleýmettik jelidegi paraqshasynda jarıalandy.
Eske sala keteıik, azamattarǵa yńǵaıly bolýy úshin balalardy mektepke qabyldaý qyzmeti avtomattandyrylǵan. Bul jumys egov.kz veb-portaly arqyly júzege asyrylady. Balalardy 1-synypqa qabyldaý úshin qujattardy 1 sáýirde bastap, 1 tamyzǵa deıin tapsyrýǵa bolady.
«Biz azamattarǵa kórsetiletin barlyq qyzmetti avtomattandyrýǵa basa nazar aýdaramyz. UBT, barlyq deńgeıdegi olımpıada elektrondy formatqa kóshirildi. Munyń kóptegen artyqshylyǵy bar, eń bastysy - barlyq prosestiń ashyqtyǵy. Biz ashyqtyqty jáne azamattarǵa qolaıly jaǵdaı jasaýdy qoldaımyz. Qujattardy qabyldaýdyń birinshi kúniniń ózinde egov.kz portaly arqyly 10 myńnan astam elektrondy ótinish kelip tústi. Mundaı sandar QR BǴM-niń sıfrlyq memlekettik qyzmetteri azamattar arasynda tanymal ekendigin kórsetedi», - deıdi Bilim jáne ǵylym vıse-mınıstri Aıbat İlıasov.
Aıta keteıik, 1-synypqa balalardy qabyldaý ata-anasynyń nemese bilim alýshynyń zańdy ókiliniń jeke ótinishi negizinde qabyldanady. Sondaı-aq mynadaı qujattar qajet: balanyń týý týraly kýáliginiń kóshirmesi; 026/ý-3 nysanyndaǵy densaýlyq jaǵdaıy týraly qujat; 065/ý nysanyndaǵy densaýlyq jaǵdaıy týraly qujat jáne oqýshynyń ólshemi 3h4 bolatyn eki fotosýreti (oqýǵa qabyldaýdyń Úlgilik qaǵıdalarynda QR BǴM 2018 jylǵy 12 qazandaǵy №564 buıryǵyna sáıkes balalardy mektepke qabyldaý tártibi aıqyndalǵan).