Infeksıanyń taralýy úı jaǵdaıynda oryn alǵan
AQSH-ta balalardyń maımyl sheshegin juǵý deregi tirkeldi, dep habarlaıdy Almaty-akshamy.kz Baq.kz-ke silteme jasap.
Bteitbart saıtynyń málimetinshe, buǵan deıin Amerıka Qurama Shtattarynda 3 myńnan astam adam indetti juqtyrǵany aıtylǵan bolatyn. Ótken aptada Kalıfornıa shtaty men el astanasy Vashıngtonda sábılerdiń vırýs juqqany anyqtalǵan. Qazirgi ýaqytta balalardyń densaýlyǵy tolyqtaı baqylaýda. Olar vırýsqa qarsy em qabyldap jatyr.
Dárigerlerdiń aıtýynsha, ınfeksıanyń taralýy úı jaǵdaıynda oryn alǵan.
Eske sala keteıik, buǵan deıin DDSU basshysy Tedros Gebreıesýs maımyl sheshegin halyqaralyq aýqymdaǵy tótenshe jaǵdaı dep jarıalaǵan bolatyn. Ol maımyl shesheginiń jahandyq taraýy densaýlyq saqtaý salasynda halyqaralyq mánge ıe apatty jaǵdaıdy týdyryp otyr dedi.