2021 jyldyń birinshi jartyjyldyǵymen salystyrǵanda elektrondy qyzmetterdiń úlesi 1,9% ósti
2022 jyldyń alty aıynda memlekettik búdjetke salyq túsimderi boıynsha jospar 7,15 trln teńge túsimmen 106,4% oryndaldy. Bul týraly Qarjy mınıstrligi Memlekettik kirister komıteti málimdedi, dep habarlaıdy Almaty-akshamy.kz.
«Byltyrǵy sáıkes kezeńmen salystyrǵanda memlekettik búdjetke salyq túsimderi 2,3 trln teńgege nemese 1,5 esege ósti. Kórsetilgen merzimde búdjetke 567,2 mlrd teńge somasynda qosymsha rezervter qarastyrylǵan»,- dedi Qarjy mınıstrliginiń Memlekettik kirister komıteti.
Sonymen qatar kameraldyq baqylaý men salyqtyq tekserýdiń tıimdiligin 162,7 mlrd teńgege arttyrý týraly aıtyldy.
Alty aıda memlekettik kirister organdarynan barlyǵy 9,9 mln salyq jáne keden qyzmeti kórsetilse, onyń 99%-y elektrondy túrde berildi.
2021 jyldyń birinshi jartyjyldyǵymen salystyrǵanda elektrondy qyzmetterdiń úlesi 1,9% ósti. Sonymen qatar memlekettik kirister organdarynyń Baılanys ortalyǵyna keńes alý úshin júgingen azamattardyń 97%-y operatorlardyń jumysyna oń baǵa berdi.